Мьянмарын Төрийн захиргааны зөвлөлийн дарга Мин Аун Хлейн лхагва гарагт тус улсын тусгаар тогтнолын 75 жилийн ойг тохиолдуулан 7012 хоригдолд өршөөл үзүүлэх тухай зарлав.
Өршөөл үзүүлэх тухай зарлигт дурдсанчлан, Мьянмарын тусгаар тогтнолын очир эрдэнийн ойг тохиолдуулан ард түмний амар амгалангийн төлөө, хүмүүнлэгийн зорилгоор хоригдлуудын ялыг хөнгөвчилж байгаа аж.
Мөн зарим хоригдлуудын хорих ялын хугацааг бууруулсан байна.
Албан ёсны мэдээгээр Мьянмар улс 2021-2022 онд 59 мянга гаруй хоригдол, түүний дотор 239 гадаадын иргэнд өршөөл үзүүлсэн гэжээ.
Эх сурвалж: Синьхуа
