Украины цэргүүдийн Макиевка руу хийсэн цохилтын дараа амь үрэгдсэн Оросын цэргийн албан хаагчдын тоо 89 болж нэмэгдлээ гэж ОХУ-ын Батлан хамгаалах яам мэдээлэв. Тус яамны Мгямар гарагт хийсэн мэдээллээр 63 хүн амь үрэгдсэн гэж байсан нь ийнхүү нэмэгджээ.
Макиевка сууриан хэсэгчлэн эзлэгдсэн Донецк мужийн нутаг дэвсгэрт байдаг бөгөөд тэндхийн Техник мэргэжлийн сургуулийн байранд 9-р сарын хэсэгчилсэн дайчилгаагаар татагдан ирсэн 600 орчим цэрэг байсан гэх мэдээлэл байгаа юм. Украинд тусгай ажиллагаа эхэлснээс хойш Оросын арми нэг дор ингэж олон хүн хүчний гарз хохирол амсч байсан нь үгүй. Цэргүүдийн байрлал ингэж цохилтын бай болсон шалтгааныг цэргийн албан хаагчид зөвшөөрөлгүй гар утас ашигласан явдал хэмээн үзэж байна.
Цэргийн албан хаагчид гар утас их хэмжээгээр ашигласан нь дайсанд пуужингийн цохилт өгөх байршлын координатыг олж тогтоох боломжийг олгосон" гэжээ.
Амиа алдагсдын дунд командлагчийн орлогч, дэд хурандаа Бачурин байсныг ОХУ-ын Батлан хамгаалах яам нотлов.
Ням гарагт Украины Зэвсэгт хүчний стратегийн харилцааны хэлтсээс мэдээлснээр, Макиевка руу цохилт өгөх үеэр дайчлагдсан 400 орос хүн амь үрэгдэж, 300 хүн шархадсан байна. Украины хэвлэлүүд мөн 300 хүн амиа алдсан гэж мэдээлсэн ч үүнийг нотлоогүй.
Эх сурвалж: ВВС
