Хятад даяар өнгөрсөн сард “Тэг ковид” бодлогыг цуцлахыг шаардсан иргэдийн жагсаал өрнөсөн. Улмаар БНХАУ-ын эрх баригчид энэ сарын 7-ны өдөр ковидын хязгаарлалтуудыг үе шаттай сулруулж, олон нийтийн газраар зорчиход PCR шинжилгээ шаардах болон шинж тэмдэг илэрсэн хүнийг хөл хорих журмыг цуцлах шийдвэр танилцуулсан юм. Гэвч хязгаарлалтыг огцом сулруулсан явдал нь 1.4 тэрбум хүн амтай БНХАУ-д ковидын тархалт огцом нэмэгдэх шалтгаан болж, халдварын шинэ давлаггаа бий болоод байна.
Хятад даяар энэ сарын эхний 20 хоногт "Covid-19"-ийн 250 сая эерэг тохиолдол бүртгэгдсэн нь эрүүл мэндийн дээд албан тушаалтнуудын дотоод тооцооллоор тодорхой болжээ. Тэгвэл энэ сарын 25-аас халдвар авсан хүмүүсийн тоог албан ёсоор гаргахаа зогсоогоод байгаа юм. Өдөрт 8000 хүн нас барж, чандарлах газрууд дүүрчээ. Нэгдүгээр давлагаа арванхоёрдугаар сарын 23-нд оргилдоо хүрч, 24000 гаруй хүн нас барсан бөгөөд одоогоор 230 сая хүн ковидын халдвар авсан гэсэн албан бус мэдээлэл байгаа аж.
Шинжээчдийн тооцооллоор Хятад улсад тэрбум хүн ковидын халдвар авч, сая хүн нас барна гэж үзсэн судалгаа гарсан байна. Нэгдүгээр сарын 8-аас Хятадын хил рүү нэвтрэхэд 48 цагийн дотор өгсөн PCR шинжилгээний эерэг хариу шаардахаар болсон байна. Мөн Хятад улсад очсон иргэдийг каретинлахгүй байхаар Хятадын төрийн зөвлөлөөс шийдвэрлэжээ.
