Хүйтэн жавар, хүчтэй өвлийн шуурганы гамшиг АНУ-ын 250 сая орчим хүн амьдарч буй нутгийн ихэнх хэсгийг хамарчээ. Хүчтэй шуурга Техасаас Квебек хүртэл 3200 км газар нутгийг хамарсан байна. Энэ нь тус улсын хүн амын бараг гуравны хоёр буюу АНУ-ын 12 мужид цаг агаарын аюултай үзэгдлийн гамшгийн түвшинд ажиллаж байна.
Байгалийн энэ гамшигт үзэгдлийн улмаас одоогоор 23 хүн амиа алдаж, нэг сая гаруй оршин суугч цахилгаангүй болж, олон зуун нислэг цуцлагджээ.
"Тэсрэлтийн циклон" гэж нэрлэгдэх энэ үзэгдэл АНУ-Канадын хил, Их нууруудын бүс нутагт хүчтэй цасан шуурга авчирсан. Канадын ихэнх нутгийг мөн шуургахамарчээ.
Онтарио, Квебек мужуудад хүчтэй хүйтний улмаас олон зуун мянган айл өрхийн цахилгаан тасарсан байна.
Түүнчлэн Канадын ихэнх нутаг, тодруулбал, Бритиш Колумбиас Ньюфаундленд хүртэл маш хүйтэрчээ. Цаашид цаг агаарын байдал улам дордохыг оршин суугчдад анхааруулж байна.
CBS-ийн сурвалжлагч Дэн Буррит Ванкувер дахь нөхцөл байдлыг ингэж дүрсэлжээ.
Түүний хэлснээр, их хэмжээний хур тунадас орсны улмаас урин дулаан цаг ирэхтэй зэрэгцэн үерт автах эрсдэл үүсэн байна.
АНУ-ын Үндэсний цаг уурын алба энэ нь ажиглалтын түүхэн дэх анхны ийм их хэмжээний хүйтрэлт гэж мэдэгдэв. Баасан гарагт гэхэд л Монтана мужид агаарын хэм цельсийн -45 хэм хүртэл буурчээ. Харин Мичиган мужид агаарын хэм -17 хэм хүртэл буурчээ.
Үргэлжлүүлээд Пенсильвани мужид их хэмжээний цас орох төлөвтэй байна.
Өмнөд Дакота мужид Америкийн уугуул овог аймгууд түлш нь дууссан тул дулаацахын тулд хувцсаа шатаахаас өөр аргагүй болжээ.
Нью-Йорк мужийн Баффало хотод 89 см цас орсны улмаас үзэгдэх орчин бараг тэг болжээ. Цаг уурчид орон нутгийн иргэдийг боломжтой бол гудамжинд гарахгүй байхыг, автомашинаар зорчихоос татгалзахыг уриалав.
FlightAware-ийн мэдээлснээр баасан гарагт АНУ-д 6000 орчим нислэг цуцлагдсан байна. Мөн бямба гаригт 1200 нислэг цуцлагдсан тухай мэдээлэл гарсан.
Өвлийн шуурганд нэрвэгдэгсдийн дунд зам тээврийн ослоор нас барсан хүмүүс ч байна. Цаг агаарын нөхцөл байдлаас шалтгаалж замын нөхцөл байдал нэлээд төвөгтэй болсон.
АНУ-ын Үндэсний цаг уурын алба долоо хоногийн эцэс гэхэд тус улсын зарим хэсгээр агаарын хэм -45 хэм хүртэл буурна гэж мэдэгджээ.
"Хэрэв урьдчилан сэргийлэх арга хэмжээ авахгүй бол ийм хэмжээний хүйтэнд тав хүрэхгүй минутын дотор хөлдөж осгодог бөгөөд удаан хугацаагаар өртөх тохиолдолд гипотерми болон үхэлд хүргэж болзошгүй" гэж цаг уурчид анхааруулав.
Эх сурвалж: ВВС
