Энэ явдал Францын нийслэлийн аравдугаар тойрогт болсон байна. Парист нэгэн өндөр настан гудамжинд гал нээж, гурван хүний аминд хүрсэн тухай Францын нийслэлийн прокурор мэдээлэв.
"Түүнчлэн хэд хэдэн хүн шархадснаас хоёр хүний биеийн байдал хүнд байгаа. Халдлага үйлдэгч толгойдоо шархадсан" гэж прокурор мэдэгдэв.
Тодотгоход өмнө нь дөрвөн хүн шархадсан тухай мэдээлж байсан юм.
Гудамжинд гал нээсэн 69 настай этгээдийг баривчилж саатуулсан байна. Түүнд ямар ч бичиг баримт байгаагүй бөгөөд өөрийгөө таниулахаас татгалзсан боловч хожим Франс Пресс агентлаг прокурорын газраас иш татан түүнийг Франц гаралтай нэгэн бөгөөд урьд нь 2016, 2021 онд хоёр удаа аллага үйлдэх оролдлого үйлдсэн гэдгээрээ цагдаад танигдсан нэгэн байжээ. Мөн буудлагын сэдэл нь тогтоогдсон гэжээ.
"Гудамжинд долоо, найман удаа буун дуу гарч, бид сандарч, хаалгаа дотроосоо түгжсэн" гэж хөрш байшингийн дэлгүүрийн эзэн агентлагт ярьжээ.
Энэ хэрэг Курдын соёлын төвийн ойролцоо болсон байна.
Эх сурвалж: РИА новости
