ОХУ, АНУ-ын төрийн тэргүүнүүд Владимир Путин, Жо Байден нарын уулзалтын талаар хэлэлцээ хараахан болоогүй байна гэж Кремлийн хэвлэлийн төлөөлөгч Дмитрий Песков мэдэгдэв.
Цагаан ордны Үндэсний аюулгүй байдлын зөвлөлийн Стратегийн харилцаа холбооны зохицуулагч Жон Кирбигийн ОХУ, АНУ-ын удирдагчдын уулзалтыг зохион байгуулахад бэлэн байгаа тухай мэдэгдлийн хариуг тэрбээр иймэрхүү байдлаар илэрхийлэв.
Песков цааш нь хэлэхдээ энэ талаар урьдчилсан байдлаар холбоо бариагүй байна гээд аливаа зөрчилдөөн хэлэлцээрийн ширээний ард дуусдаг гэжээ. Песковын хэлснээр, ОХУ-ын өмнөө тавьсан зорилгодоо хүрэх замаар цэргийн тусгай ажиллагааг хурдан дуусгах тухай ярьж байна.
Өмнө нь Кирби хэлэхдээ, хэрэв Орос хэлэлцээр хийх хүсэлтэй байгаагаа илэрхийлбэл Байден Путинтэй уулзахад бэлэн байна. Уулзалтын өөр нэг нөхцөл бол Украинтай зөвшилцөх явдал болно гэж тэр нэмж хэлж байв. Путин одоогоор хэлэлцээр хийх хүсэл эрмэлзэл огт байхгүй байна гэж Цагаан ордны хэвлэлийн төлөөлөгч нэмж хэлэв.
Харин Москва Украины мөргөлдөөнийг эргүүлэх биш, харин зогсоохыг эрмэлзэж байна гэж ОХУ-ын Ерөнхийлөгч өмнө нь хэлж байсан удаатай. Тэрээр "энэ нь хэдий чинээ хурдан болно, төдий чинээ сайн" гэж онцолж байв.
Дашрамд тодотгоход ОХУ-ын төрийн тэргүүн Украины мөргөлдөөн дуусах цаг хугацааны талаарх таамаглалаа одоог хүртэл хэлээгүй байгаа юм.
Эх сурвалж: News.ru
