АТГ-ын дарга З.Дашдаваа Ерөнхий сонсголын үеэр Ерөнхйилөгч асан Х.Баттулгын талаар иргэдийн асуултад хариуллаа.
Тэрбээр “Зарласан 17 хүнийг шалгах ажил эхэлж байна. Ерөнхийлөгч асан Х.Баттулгын тухайд, хилийн хориг тавих асуудлыг мөрдөгч, прокурор бие даан шийдвэрлэнэ. Ерөнхийлөгч асан Х.Баттулгаас гурван асуудалд тайлбар авсан. Гурван асуудал нууц учраас ярих боломжгүй. Хилийн хоригийн тухайд мөрдөгч дүгнэлт хийж, таслан сэргийлэх арга хэмжээ авах шаардлагатай эсэхийг шийднэ. Өнөөдөр Эрүүгийн хэрэг шүүн таслах ажиллагаанд оролцогч нар эрх үүргийнхээ дагуу оролцохоос хэн нэгэн албан тушаалтан, хэн нэгэн иргэн эрүүгийн хэрэг хянан шалгах ажиллагаанд оролцохгүй. Гэхдээ Оргосон гэдгийг хэн нотлоод байна вэ. Хэрвээ энэ хэрэг шүүх дээр очиход энэ хүн байгаагүй бол оргосон гэж үзнэ. Мөн Сү.Батболд, Ж.Эрдэнэбат, Н.Алтанхуяг нарыг гэрчээр дуудаж тайлбар мэдүүлэг авлаа. Цаашдаа шалгах шаардлагатай хэнийг ч үлдээхгүй, хэнийг ч завшуулахгүй, хэнийг ч хэлмэгдүүлэхгүй. Яллагдагчаар татагдсан хүмүүсийн дунд ихэвчлэн "Эрдэнэс Тавантолгой" ХК-ийн холбогдолтой хүмүүс байна. УИХ-ын гишүүн байхгүй” гэв.
