Украины Ерөнхийлөгч Володимир Зеленский АНУ-д айлчилж байна. Тэрээр АНУ-ын Ерөнхийлөгч Жо Байдентай уулзсаныхаа дараа хамтарсан хэвлэлийн хурал хийлээ.
Путины явуулж буй харгис хэрцгий дайны эсрэг тантай хамтран зогсож байгаа нь миний хувьд нэр төрийн хэрэг гэж АНУ-ын Ерөнхийлөгч Жо Байден В.Зеленскийд хандан хэллээ.
Путин Украины эрчим хүчний дэд бүтцийг сүйтгэж өвлийн улирлыг зэвсэг болгон ашиглаж байна. АНУ Европын холбоотнуудтайгаа хамтран Украинд дэмжлэг, тусламж үзүүлсээр байх болно гэдгийг Жо Байден онцоллоо. Түүнчлэн тэрээр Конгрессийн хоёр танхим хоёулаа Украинд дэмжлэг үзүүлэхийг дэмжиж байгааг сануулж, пуужингаас хамгаалах хамгийн сүүлийн үеийн дэвшилтэт “Patriot” системийг Украинд нийлүүлнэ гэдгийг мэдэгдлээ.
“Энэхүү цогцолборыг ажиллуулахад шаардлагатай бэлтгэлийг хийхэд тодорхой хугацаа шаардлагатай ч “Patriot” пуужингууд нь Украины батлан хамгаалах салбарын “чухал хөрөнгө” болно гэж АНУ-ын төрийн тэргүүн хэлсэн байна. В.Зеленский лхагва гаргийн орой Капитолын ордонд Конгрессын гишүүдэд хандан үг хэлнэ.
