Засгийн газар өнөөдөр /2022.12.22/ ээлжит бусаар хуралдах аж. Засгийн газрын өчигдрийн/2022.12.21/ хуралдаанаас “Улаанбаатар төмөр зам” ХНН-ээр хариуцуулан гүйцэтгүүлэх, төмөр замын шугамыг ОХУ-тай эцэслэн тохирох асуудлыг шийдвэрлэхийг холбогдох сайд нарт даалгажээ. Ингэснээр төслийг хэрэгжүүлэгч компаниа өөрчлөх бололтой. Мөн шинэ сэргэлтийн бодлогыг хэрэгжүүлэх эхний үе шатны үйл ажиллагааны хөтөлбөрт туссан “Шинэ тойрог зам” төслийн Туул голын эрэг дагуух авто зам, замын байгууламж болон тус авто замыг Улаанбаатар-Хөшигийн хөндийн нисэх буудлын хурдны авто замтай холбох автозам, замын байгууламжийг нэг жилийн дотор барьж байгуулахыг даалгасан. Зохих арга хэмжээ авч ажиллахыг Зам, тээврийн хөгжлийн сайд С.Бямбацогтод, “Шинэ тойрог зам” төслийн хойд хэсгийг мөн хугацаанд барьж байгуулахыг Нийслэлийн Засаг дарга бөгөөд Улаанбаатар хотын захирагч Д.Сумъяабазар нарт тус тус даалгажээ.
