ОХУ-ын Батлан хамгаалах яамны мэдээлснээр Оросын анги нэгтгэлүүд Краснолиманскийн чиглэлд урагшилж, үүний үр дүнд илүү ашигтай байрлалыг авсан байна.
Энэ чиглэлд Украины цэргийнхэн Житловка, Площанка, Коломыйчиха суурин газруудад довтолгооны бүлгүүдээр Оросын цэргүүдийг эсэргүүцэн довтолсон гэж мэдээнд онцолжээ. Гэсэн хэдий ч санаачлагыг гартаа авах гэсэн тэдний бүх оролдлогыг их бууны галаар таслан зогсоож, Украины цэргүүдийн давшилтыг ухраан анхны байрлалд нь буцаажээ.
Цэргийн сурвалжлагч Евгений Поддубный Великая Новоселка орчимд Угледар чиглэлд амжилттай довтолсон тухай мэдээлжээ. Түүний хэлснээр, Украины Зэвсэгт хүчин фронтын тэргүүн шугмаа тогтоон барьж чадалгүй, хамгаалалтын хоёрдугаар шугам руу ухарчээ. Гэсэн хэдий ч дайсан шинэ довтолгоонд бэлдэж нөөцөө татаж байна.
Оросын цэргүүд Донбассын байлдааны бүхий л шугамын дагуу санаачилгыг гартаа авсан гэж Бүгд Найрамдах Донецк Ард Улсын тэргүүний үүрэг гүйцэтгэгч Денис Пушилин мэдэгдэв. Түүний хэлснээр, Оросын фронтын хаа сайгүй ахиц дэвшил гарч байна, зарим газар өдөрт 100-200 метр, мөн өөр хаа нэгтээ 10-20 метр урагшилж байгаа нь чухал юм” гэв.
Хамгийн хурцадмал нөхцөл байдлын нэг нь Донбасс дахь Украины цэргийн бүлэглэлийг хангах тээврийн чухал зангилаа болох Артемовск хотын орчимд хэвээр байна. Энэ хотоор авто зам, төмөр замын сүлжээ дамждаг. Тиймээс түүний төлөө ширүүн тулаан үргэлжилсээр байна.
Өмнөд-Донецкийн чиглэлд Украины Зэвсэгт хүчин Нескучное суурингийн бүсэд довтлохыг оролдов. Гэвч энэ сөрөг довтолгоо нь их бууны цохилтын үр дүнд зогсонги байдалд орж, дайсныг хуучин шугам руугаа ухрахад хүргэвхэмээн БХЯ-ны мэдээнд дурджээ.
Эх сурвалж: АиФ
