Өмнөд Солонгосын Үндэсний Ассамблейн сөрөг хүчний "Тобуро" Ардчилсан нам Дотоод хэргийн сайд Ли Санг Минийг огцруулах санаачилга гаргажээ.
Санал хураалтад оролцсон парламентын 183 гишүүний 182 нь Сөүл хотод гарсан үймээн самуун, эрх баригчид үүнд мэргэжлийн бус хандсан гэж үзэж Дотоод хэргийн сайдыг огцоруулах санаачилгыг дэмжлээ. Харин эрх баригч “Ардын хүч” намын гишүүд санал хураалтад оролцоогүй. Тус агентлагийн мэдээлснээр тэд санал хураалтыг бойкотлож, танхимыг орхин гарсан байна.
Өмнөд Солонгосын Үндэсний ассамблей нийтдээ 299 суудалтай бөгөөд тэдний 169 нь Ардчилсан намынхан юм. Уг саналыг дэмжихийн тулд 150-аас доошгүй санал авах ёстой байв. Хэдийгээр дотоод хэргийн сайд Ли Санг Минийг огцруулах санаачлага парламентад олонхийн дэмжлэгийг авсан ч Ерөнхийлөгч Юн Сок Ёол хориг тавьж магадгүй гэж таамаглаж байна.
Ерөнхийлөгч сайдыг огцруулах нь хэрэг явдлын шалтгааныг судалж тогтооход саад болно гэж үзэж байгаа тул Ерөнхийлөгчийн засаг захиргаа уг саналыг дэмжихгүй байх магадлалтай гэж үзэж байна.
Өмнө нь Өмнөд Солонгосын Ерөнхийлөгч Юн Сок Ёл Сөүл хотын Итаевон дүүрэгт Хэллоуины баярыг тэмдэглэх үеэр 156 хүний амь насыг хохироосон үймээн самууны гэмт этгээдүүдийг нэрлэсэн юм. Түүний бодлоор бол цагдаа нар энэ үйл явдалд буруутай, олон хүн ирэхийг урьдчилан тооцоолоогүй үзэж байгаа юм.
Эх сурвалж: Лента,ру
