Кремлийн хэвлэлийн төлөөлөгч Дмитрий Пеков олон нийтийн сүлжээгээр Орост дайчилгааны шинэ шинэ давалгаа гарч болзошгүй гэсэн мэдээлэлд анхаарлаа хандуулахгүй байхыг уриаллаа гэж ТАСС мэдээлэв.
ОХУ-ын Ерөнхийлөгчийн хэвлэлийн нарийн бичгийн дарга ОХУ-ын Батлан хамгаалах яам болон төрийн тэргүүнээс ирж буй албан ёсны мэдээлэлд анхаарлаа хандуулахыг зөвлөжээ. Тэрбээр энэ үгээ лавшируулж “Дайчилгааны тухайд Ерөнхийлөгч бүгдийг хэлсэн. Тиймээс та иймэрхүү бүх яриа цуурхалыг анхаарч үзэх шаардлагагүй "гэж хэлэв.
ОХУ-д хэсэгчилсэн дайчилгаа есдүгээр сарын 21-нд эхэлсэн. Аравдугаар сарын 28-нд ОХУ-ын Батлан хамгаалахын сайд Сергей Шойгу ОХУ-ын Ерөнхийлөгч В.Путинд энэ ажлаа дуусгасан тухай тайлагнасан юм. Түүнчлэн 10-р сарын 31-нд төрийн тэргүүн хэсэгчилсэн дайчилгааны хүрээнд хийгдсэн ажлууд дууссан тухай мэдээллийг баталгаажуулсан.
Хэсэгчилсэн дайчилгааны хүрээнд дуудагдсан 300 мянга гаруй нөөц цэрэг хоёр сарын хугацаанд ОХУ, Беларусийн 100 гаруй бэлтгэлийн талбайд сургалт дадлагажуулалтад хамрагдан бэлтгэгдсэн гэж Сергей Шойгу өмнө нь мэдэгдсэн бөгөөд тэд хэдийнэ фронтод хуваарилагдаад байгаа юм.
Эх сурвалж: АиФ
