Ерөнхий сайд залуусын органик жагсаалыг улс төржүүлэх гэж оролдсон хэмээн онцгойлон хэлэв.
Л.Оюун-Эрдэнэ: "Өчигдөр жагсаал дээр тагнуул цагдаагийн байгууллагуудад хүч хэрхэвч хэрэглэж болохгүй шүү гэсэн даалгаврыг маш сайн хэлсэн. Тэдний хувьд ч сайн ажилласан гэж би бодож байгаа. Ер нь цаашлаад ийм жагсаал цуглааныг улс төрийн зорилгоор ялангуяа орой үдэш болоод ирэхээр ашиглах гэсэн. Бусдын эд материал руу халдах ийм асуудлууд гардаг. Тийм учраас цаашдаа долоон сарын нэгэн шиг эмгэнэлтэй байдлыг бид давахгүйн тулд энэ дээр хариуцлагатай хандах ёстой. Зүгээр явж байгаа залуучуудын органик жагсаалыг дундаас нь үймүүлчих тохиолдлууд байдаг. Согтуу хөлчүү хүн авчраад л.
Ийм зохион байгуулалтууд хийгдсэн асуудлууд хэд хэд гарсан. Жишээлбэл, Эрдэнэс таван толгой дээр бүх ажилчдынх нь хаяг руу цахимаар мэйл бичсэн асуудал үүссэн. Ажил хаялт зарлаад энэ жагсаалд оч. Энэ бол төрийн өмчит компани тэр тусам онцгой дэглэм тогтоочихсон үед үүнийг би хууль бус гэж үзнэ.
Зарим нэг буудлуудад мөнгө тараасан асуудал гарсан. Ер нь ийм байж болохгүй. Тэдгээр хүмүүс жагсаж болно. Гэхдээ яагаад залуучуудаараа нүүр хийх гээд байгаа юм.
Нүүрсний хулгайн асуудал шийдэгдэнэ. Сандарч байгаа хүмүүст хандаж хэлэхэд, ухрахгүй, та хэдээс айхгүй, ямар нэгэн байдлаар гэмээ хаацайлах гэж энгийн залуучуудыг битгий турхир. Хулгай хийсэн бол шийдэгдэж л таарна" гэлээ.
