Украины Зэвсэгт хүчний жанжин штабаас мэдэгдэл хийлээ, “Өнгөрсөн 24 цагийн хугацаанд Украины арми Луганск, Донецк бүсийн 13 суурин цэгүүдийн ойролцоо Оросын армийн дайралтыг няцаасан” гэв. Мөн Украины агаарын цэргийн хүчин Оросын арми, зэвсэг, цэргийн техник төвлөрсөн бүс нутагт 18 удаагийн цохилт өгсөн бөгөөд Оросын агаарын довтолгооноос хамгаалах пуужингийн системийн байрлалыг ч цохижээ. Мөн Украины арми Оросын Ка-52 нисдэг тэрэг, 4 нисгэгчгүй онгоцыг устгасан бол Украины пуужин, артиллерийн ангиуд Оросын хяналтын цэг, зэвсгийн агуулах зэрэг чухал байршлуудыг оносон байна.
Өчигдөр Польшийн Гданьск боомтонд Америкийн 1-р явган дивиз бүрэн бүрэлдэхүүнээрээ буусан байна. Ойролцоогоор 800 орчим нэгж техник 16000 цэрэг буужээ. НАТО-н хамтарсан хээрийн сургуульд оролцоод Украйны хилийн ойролцоо өвөлжих бололтой.Сургуулийн зорилго нь дорнод Европын хар шороот, сайжруулсан зам муутай байлдааны театрд хүйтэн нөхцөлд өвлийн давших ажиллагааны гүйцэтгэлийг шалгах, НАТО-н гишүүн болон бусадхолбоотнуудтай харилцан туршлага солилцох гэнэ
