Ерөнхий сайд Л.Оюун-Эрдэнэ цаг үеийн асуудлаар мэдээлэл хийж байна. Тэрбээр "Жагсагчдаас 20 орчим шаардлага ирсэн байна. Шаардлагыг нэгтгэж үзэхэд 14 иргэний нийгмийн байгууллагууд, 20 орчим бусад шаардлага байгаа юм. Багцлаад үзвэл нэг нь шударга ёстой холбоотой асуудал байна. Хөгжлийн Банкны өр өнөөдөр ингээд төлөгдөж байна. Чингис бонд ч гэсэн. Энэ бол тухайн үед бидний үр хүүхэд төлнө гэдэг байдлаар бонд босгосон. Гадаад өрийн асуудал Монгол Улсын хөгжлийг боомилсон. Хариуцлага тооцох агуулга дээр амаргүй нөхцөл байдлын тэмцэл хийсэн. Эргээд бодвол Оюутолгойн гэрээтэй холбоотой асуудлыг Арбитрт өглөө гэдэг асуудлыг энэ танхимаас зарлаж байсан.
Дубайн гэрээ цуцлагдаж, 2.3 тэрбум өр тэглэгдэх түвшинд хүрч чадах болов уу гэдэгт эргэлзэж байсан. Энэ асуудлыг олон нийт маш сайн дэмжиж, бодит үр дүнд хүрсэн. 34 хувийн асуудал бүрэн шийдэгдэж, гүний уурхай ашиглалтад орох гэж байна.
"Монгол Улсын засгийн газар Чингис бондын өрийг бүрэн төлж барагдууллаа. Мөн хөжглийн банкинд үүссэн чанаргүй зээлийг Самурай бондын 223 сая ам.долларын өрийг төлөхөд бэлэн болж Монгол банкинд байршууллаа. Ингэснээр Хөгжлийн банк дампуурах эрсдэлээс аврагдаж байна. Хөгжлийн Банканд үүссэн чанаргүй зээлийн эргэн төлөлт 805 тэрбум төгрөгт хүрч шийдэгдэж, Самурай бондын 223 сая ам.долларын өрийг төлөхөд бэлэн болж, Монголбанканд байршуулснаар Хөгжлийн Банк дампуурах эрсдэлээс аврагдаж байна. " хэмээн мэдээлэв.
