Монгол Улсын Ерөнхийлөгч У,Хүрэлсүх санал гаргаж, УИХ-ыг тарааж, Засгийн газрыг бүрэн бүрэлдэхүүнээр нь огцруулах талаар хуралдаж байна.
Энэ талаар Монгол Улсын Ерөнхийлөгчийн Тамгын газрын Хэвлэл мэдээллийн албаны дарга Ө.Золбаяр “МАН-ын Удирдах зөвлөлийнхөн хуралдаж байгаа. Тус хуралдааны үеэр Ерөнхийлөгч УИХ-ыг тарааж, Засгийн газрыг огцруулах санаачилга гаргасан. Гэхдээ Ерөнхийлөгчийн санаачилгыг олонхоороо шийдэх ёстой учир асуудал хэрхэн шийдэгдэхийг мэдэхгүй байна. Ерөнхийлөгчийн гаргасан дээрх санаачилга иргэдийн жагсаал цуглаантай холбоотой. Мөн сүүлийн үед нийгэмд шуугиан тарьж буй нүүрсчдийн хулгайн хэрэгтэй холбоотой" гэв.
Дашрамд дурдахад, Ерөнхийлөгч УИХ-ыг тараавал ээлжит бус сонгуулийг Үндсэн хууль, Сонгуулийн тухай хуульд нэмэлт өөрчлөлт оруулж, эл шинэ эрх зүйн орчинд хийх санал дэвшүүлэх аж.
