1983 оноос 2021 он хүртэлх нийт шилжигчдийн тоог харвал зөвхөн 2021 онд шилжилт хөдөлгөөний 55.8% нь Улаанбаатар хотыг чиглэжээ. Өөрөөр хэлбэл, 25,695 хүн 2021 онд Улаанбаатар хотод шилжин ирсэн байна.
Эх сурвалж: ҮСХ
Ийнхүү сүүлийн 10 жилд буюу 2012-2021 онд нийслэлийн хүн ам 25 хувиар өсөж, 1.5 сая болсон бол энэ хугацаанд бүртгэлтэй тээврийн хэрэгслийн тоо 80% өсжээ.
Бүртгэлтэй тээврийн хэрэгслийн тоо:
- • 2012 онд 367.8 мянга байсан бол
- • 2021 онд 662.6 мянга болж нэмэгдсэн байна.
Өөрөөр хэлбэл 20-оос дээш насны гурван хүн тутмын хоёр нь машинтай байх хэмжээний тоо гарч байгааг ҮСХ тооцоолон гаргажээ.https://www.facebook.com/plugins/post.php?href=https%3A%2F%2Fwww.facebook.com%2Fbatdavaa.batmunkh%2Fposts%2Fpfbid032cYJ2yd6ArSPcFY6uM4q2scFNovebXop4fXJ1hwdFSPAjqZFzKbAxaeJwQjWkmntl&show_text=true&width=500
Тэр дундаа насжилт өндөртэй тээврийн хэрэгслийн тоо тасралтгүй нэмэгдсээр ирсэн нь агаарын бохирдлыг тодорхой нэг шалтгаан болоод байна. 
Эх сурвалж: ҮСХ
ҮСХ-ноос улсын хэмжээнд бүртгэлтэй байгаа нийт тээврийн хэрэгслийн насжилтыг мөн тооцоолжээ. 2021 оны байдлаар
- Нийт автобусны 78%
- ачааны автомашины 95%
- суудлын автомашины 87% нь 10-аас дээш жилийн насжилттай байна.
