Байрны цонхоор орж ирээд, гар утас болон бусад хүнс, гэр ахуйн бараа бүхий 2.7 сая төгрөгийн эд зүйлсийг хулгайлсан этгээдэд шүүхээс нэг жил хорих ял оноосон байна.
Тодруулбал, 2022.07.04-ний шөнө Хөвсгөл аймгийн Мөрөн суманд байрны онгорхой цонхоор иргэн Э нь орж ирээд, М, Т нарын iPhone Xr болон iPhone 12 Pro Max загварын гар утсыг хулгайлжээ. Түүнчлэн найман ширхэг “Ноншим” савтай гоймон, нойтон салфетка, ариун цэврийн хэрэгсэл, барааны саван зэргийг авсан байна.
Энэ талаар дуудлага мэдээлэл долдугаар сарын 5-ны өдөр цагдаагийн байгууллагад иржээ.
Харин шүүгдэгч Э нь тухайн үед согтууруулах ундаа ч хэрэглэсэн байсан нь тогтоогджээ. Мөн гар утаснуудыг хямд үнээр зарсан байжээ.
