Украин нөхцөл байдлыг зохицуулахын тулд энхийн хэлэлцээ хийхийг хүсэхгүй байна, ОХУ цэргийн тусгай ажиллагааг үргэлжлүүлэх замаар тавьсан зорилгоо хэрэгжүүлнэ гэж Кремль мэдэгдэв.
"Бид Украины талд де факто болон де юре байр суурийн аль алиныг нь Ерөнхийлөгч Зеленскийд удаа дараа илэрхийлсэн бөгөөд харин Украин эдгээрийн аль нь ч боломжгүй, хэлэлцээр хийхийг хүсэхгүй байгаа гэдгээ харуулж байна.
Үүний дагуу ОХУ цэргийн тусгай ажиллагааг үргэлжлүүлэх замаар тавьсан зорилгоо хэрэгжүүлнэ" гэж ОХУ-ын Ерөнхийлөгчийн хэвлэлийн төлөөлөгч Дмитрий Песков мягмар гарагт Владимир Зеленскийн "Энх тайвны томъёолол"-д тайлбар өгөх сэтгүүлчдийн хүсэлтэд хариулах үеэрээ дурдав.
Арваннэгдүгээр сарын эхээр Песков Украин дахь тусгай ажиллагааг хоёр арга замаар дуусгах боломжтой гэж хэлж байв. Кремлийн хэвлэлийн төлөөлөгч өнгөрсөн баасан гарагт сэтгүүлчдэд "Бидний үзэж байгаагаар, Украинд явуулж буй тусгай цэргийн ажиллагааг зорилгодоо хүрсний дараа дуусгах боломжтой. Эсвэл энхийн хэлэлцээгээр зорилгодоо хүрэх боломжтой" гэж мэдэгдсэн юм.
Эх сурвалж: interfax.ru/