МҮХАҮТ дээр өчигдөр болсон Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн төсөл болон Төр хувийн хэвшлийн түншлэлийн тухай хуулийн төслийн нээлттэй хэлэлцүүлгийн үеэр “Тулгуур стандарт” ХХК-ийн захирал Д.Ариунжаргал “Тавантолгой түлш” ХХК-д бараа нийлүүлэх гэрээ байгуулж, гэрээнийхээ үүргийн дагуу ажлаа дуусгасан боловч, санхүүжилтээ авч чадахгүй байна. Санхүүжилтээ авах гэхээр шийдвэрлэж өгөхгүй, сүүлийн 14 хоног “Эрдэнэс Тавантолгой” ХК-ийн удирдлага өөрчлөгдсөн учраас санхүүжилт байхгүй гэсэн хариултыг өгч байна. Санхүүжилтээ авч чадахгүй байгаа энэ хоёр сарын хугацааны зардал, алдагдсан боломжийг хэн хариуцах вэ? Захиалагчийн зүгээс хүлээх хариуцлагын механизм байхгүй гэдгийг УИХ, Засгийн газрын холбогдох албаныханд уламжлав.
