Оюутолгойн ордын 66 хувийг эзэмшигч"Туркойс Хилл Ресурс" компанийн хувьцаа эзэмшигчид өнөөдөр "Рио Тинто" группээс тавьсан нэгж хувьцааг нь 43 канад доллараар худалдаж авах саналыг хүлээж авах эсэхээ эцэслэх юм.
“Рио Тинто” өнгөрсөн хавраас эхлэн "Туркойс Хилл Ресурс" компанийн жижиг хувьцаа эзэмшигчдэд хувьцааг нь худалдаж авах санал тавьж байгаа.
Одоогоор "Рио Тинто" "Туркойс Хилл Ресурс" -ийн 50.8 хувийг эзэмшдэг бөгөөд үүний дараа нь орох хамгийн том хувьцаа эзэмшигч болох “Pentwater Capital Management /14 орчим хувь/” болон “Sailingstone capital Partners /2.44 хувь/” нар анхнаасаа тэдний саналыг хүлээн зөвшөөрөхгүй гэдгээ илэрхийлсэн. Гэхдээ нийт хувьцаа эзэмшигчдийн 66,6 хувь нь саналыг хүлээж авахыг дэмжвэл "Туркойс Хилл Ресурс" бүрэн "Рио Тинто"-гийн мэдэлд шилжинэ.
