Цахим орчинд идэвхитэй олны танил эрхмүүдийн нэг Б.Жаргалсайхан Нүүрсний хулгайн хэрэгтэй тэмцэж эхэлсэн Ерөнхий сайд Л.Оюун-Эрдэнэд ташуур өгч цахим хуудастаа мэдээлэл оруулжээ. Тэрбээр:
"Ерөнхий сайд Л.Оюун-Эрдэнэ хавар “Улс төрчид бүлэглэн Нүүрсний хулгай хийж байна үүнтэй тэмцэнэ” гэж мэдэгдснээс хойш энэ бүлэглэлд хэн хэн байна гэсэн хардлага таавар хөвөрсөөр л байгаа. Зарим нь ч бүр баримт материал олж авч. Төрийн өндөр албан тушаал хашиж байсан нөхдүүд хүртэл багтаж нэрлэгддэг.Тэгвэл УИХ-ын гишүүн Б.Энхбаяр чуулганы үеэр " Та нар ичихгүй бол би ичихгүй Ард түмнээс хандив гуйж Ард түмний өмнө ард түмний хөрөнгийг шамшигдуулсан хүмүүсийг төрийн оролцоогүйгээр шалгана" хэмээн хатуухан хэлээд амжсан байдаг.Түүний энэхүү мэдэгдлийг дэмжих хүн ч олон.
Одоогийн Ерөнхийлөгч У.Хүрэлсүх Ерөнхий сайд байх үедээ чуулганы зааланд Ж.Мөнхбат гишүүнтэй ширүүхэн муудалцаад амжсан байдаг.Үүнийг эргэн санавал:
У.Хүрэлсүх: Нүүрсний хулгайч бацаан дуугүй бай
Ж.Мөнхбат: Чи Монголын хаан биш шүү
Монгол Улсын Ерөнхийлөгч У.Хүрэлсүх, УИХ-ын гишүүн Ж.Мөнхбат нарын энэхүү маргаанд олон гэмт хэрэг яригдсан. Гэвч манай хууль хяналтын байгууллага ч, эрхэм улстөрчид ч хариуцлага нэхсэнгүй. Хэн нам, төрийн мөнгөөр казино тоглож, хэн нүүрсний хулгай хийв.Олон жил дамнаж яригдаад шийдэлд хүрч чаддаггүй Нүүрсний хулгайн хэрэг Улс төрчдийн сонгуулийн ПИ АР болсон гэхэд хэлсдэхгүй биз. Харин энэ талаар Б.Жаргалсайхан буюу Буянгийн Жагаа ах маань сошиал хуудсандаа :
"НҮҮРСНИЙ ХУЛГАЙ ТОД ХАР МӨР ҮЛДЭЭЖЭЭ... Нүүрсний хулгайн хэрэгт "Эрдэнэс- Тавантолгой" компанийн хэд хэдэн албан тушаалтанг цагдан хорьсон байна. Тэр дотор УИХ-ын гишүүн, НХХЯ-ны сайд Т.Аюурсайханы туслах асан Б.Отгонжаргал гэгчийг барьсан байна. Өөрийн туслах, зөвлөхөө ашигтай байрлалд байршуулж байгаад хулгай хийлгэдэг нь өнөө цагийн араншин даа. Саяхан л хадмындаа амьдарч орон гэргүй шахам байсан Т.Аюурсайхан хоёр тэрбумын байр, хурдан адууны учир ийнхүү тайлагдав уу гэлтэй. Ямартай ч нүүрсний хулгай зөв замаар орсон гэдгийг МАН-ын гишүүд бахдалтай ярьж байна шүү. Саяхан хоёр эрхэм "Чи хулгай хийдэггүй юу, нүүрс хулгайлаагүй юу" гэж нэвт хэрэлдсэн хэргийг л шалгах хэрэгтэй юм. Даанч зүрхэлж асуухгүй л болов уу." хэмээн нийтэлсэн байдаг. Ямартай ч хулгайчидыг Засаг дотроосоо эхлээд хайх нь зөв юм шиг ээ Эрхэм Ерөнхий Сайд аа !!!" гэжээ.
О.Сарантуяа
