БНСУ ирэх 11 дүгээр сарын 5-ыг хүртэл үндэсний гашуудлын өдөр болгон зарлажээ. Үүний дагуу урлагийн тоглолт, арга хэмжээнүүд ар араасаа цуцлагдсаар байна.
Нас барж, бэртсэн иргэдийн тоо нэмэгдсээр байна. Сүүлийн мэдээгээр нас барагсдын тоо 151 болжээ. Үүнээс 19 нь гадны иргэд аж. Мөн 82 хүн бэртсэн байдалтай байна.
Нас барсан иргэдийн дийлэнх нь 10-20-д насны өсвөр үеийн залуучууд тэр тусмаа охидууд эзлэж байна.
Албаны эх сурвалжийн өгсөн мэдээллээр Монгол улсын иргэн нас барсан тохиолдол одоогоор бүртгэгдээгүй талаар БНСУ дахь ММ агентлагийн сурвалжлагч Э.Ижилболд нүүр номоороо дамжуулан мэдээлжээ.
БНСУ-д 2014 онд Сэворү усан онгоцны ослоос хойш тохиолдож буй хамгийн олон хүн амиа алдсан хар өдөр болж байна.
