Чуулганы үдээс хойших хуралдаан эхэллээ. Чуулганаар төрийн алан тухай хуульд нэмэлт оруулах тухай хуулийн төсөл хэлэлцэх эсэх асуудлыг хэлэлцэж байна. Энэ хүрээнд гишүүд өөрсдийн саналаа хэлж байна.
УИХ-ын гишүүн Ё.Баатарбилэг “Суманд 1300 гаруй орон тоо дутуу байна аа гэж байна. Тэгэхээр сумын тамгын газрын төрийн захиргааны алба хаагчид сая танилцуулгад дурдсанаар 600 гаруй мянган төгрөгөөр цалинжиж байгаа. Тэрнээс татвараа төлөөд гар дээрээ 500 гаруй мянган төгрөг л авч байгаа. Цалин бага байгаа учраас сургууль соёл төгссөн залуучууд эргэж очихгүй байна. Мэргэжлийн боловсон хүчин дутагдаад байна гэдэг зүйл яригдаж байгаа. Тэтгэврийн доод хэмжээ 500 мянган төгрөг болчихсон. Гэтэл сумын тамгын газрын 10 гаруйхан мэргэжилтнүүд сумын хамаг хүнд хэцүү ажилд дайчлагддаг хэр нь тэтгэврийн хэмжээтэй ижил хэмжээний цалин авч байна. Ийм учраас суманд очиж ажиллах хүмүүс олдохгүй байгаа. Ийм нөхцөлд хүмүүсийг тогтвор суурьшилтай ажил гэх бол хүндрэлтэй. Ер нь цалингийн шатлал урамшуулалтай холбоотой асуудлыг цогцоор нь шийдэх хэрэгтэй” гэв.
Г.Бүжинлхам
