УИХ-ын дэд даргаар ажиллаж байсан Т.Аюурсайханыг Хөдөлмөр нийгмийн хамгааллын сайдаар томилсон. Ингэснээр Т.Аюурсайханы оронд УИХ-ын Дэд даргаар хэнийг сонгох вэ? гэсэн асуудал яригдаж эхэллээ.
Тэгвэл тус албан тушаалд УИХ-ын гишүүн Н.Энхболд, Д.Сарангэрэл нарын нэгийг томилох тухай мэдээлэл улс төрийн хүрээнд яригдаж байгаа аж.
ХНХ-ийн сайдын суудлаас саяхан огцорсон Д.Сарангэрэл гишүүний хувьд УИХ-ын Дэд дарга болох хүсэлтээ МАН-ын Удирдах Зөвлөлд өгсөн гэх яриа гараад байна.
УИХ нь хоёр дэд даргатай бөгөөд УИХ-ын даргын эзгүйд чуулганы хуралдааныг удирдах үүрэгтэй нэгэн юм.
Г.Бүжинлхам
