ОХУ-ын Батлан хамгаалахын сайд Сергей Шойгу Их Британи, АНУ, Франц, Турк дахь мэргэжил нэгтнүүдтэйгээ утсаар ярьж, Украин улс "бохир бөмбөг" хэрэглэхээр бэлтгэж, үүндээ ОХУ-ыг буруутгахаар төлөвлөж байгааг анхааруулсан. Харин үүний хариуд эдгээр гурван улс болох Их Британи, АНУ, Франц хамтарсан мэдэгдэл гаргаад байна.
Тэрхүү мэдэгдэлд "Украин өөрийн нутаг дэвсгэрт бохир бөмбөг ашиглахаар бэлтгэж байна" гэсэн Оросын илт худал гүтгэлгийг бид няцааж байгаагаа манай улс орнууд тодорхой илэрхийлсэн" гэж Төрийн департаментын төлөөлөгч хэлснийг иш татан Франс Пресс мэдээлэв.
Мэдэгдэлд "Дэлхий нийт дээр хурцадмал байдлыг шалтаг болгон ашиглах гэсэн аливаа оролдлогыг харж байна. Түүнээс гадна бид ОХУ-ын зүгээс гаргаж буй нөхцөл байдлыг хурцатгах шалтаг гаргахаас татгалзаж байна" гэж мэдэгдэлд дурджээ.
Энэ бүхэнтэй зэрэгцэн "Бохир бөмбөг" гэсэн сэдэв анхаарал татаж эхэллээ.
Энэ тухай цэргийн шинжээч Александр Артамонов aif.ru сайтад өгсөн ярилцлагада "Бохир бөмбөг"-ийн дэлбэрэлтийн үр дагаврыг урьдчилан таамаглахад цөмийн зэвсэг хэрэглэхээс илүү хэцүү байдаг"гэжээ.
"Бохир бөмбөг" нь цацрагийг түгээх төхөөрөмж юм. Цөмийнхөөс ялгаатай нь "бохир" бөмбөгийг энгийн тэсрэх төхөөрөмжөөр ажиллагаанд оруулж болдог.
Цөмийн бөмбөгөөс ялгаатай нь “бохир” бөмбөг тухайн газрыг удаан хугацаанд бохирдуулдаггүй. Тухайлбал, дунд зэргийн хүчтэй бөмбөг тэсрэхэд тухайн тэр хэсэг орчимдоо цацраг идэвхт толбо үүсгэдэг. Энэ нь хязгаарлагдмал жижиг газар нутаг юм. Энэ нь дэлбэрч буй газартаа эмгэнэл болох боловч том орон зай, олон сая хүмүүст аюул учруулахгүй "гэж шинжээч aif.ru сайтад ярилцлага өгөхдөө онцолжээ.
Эх сурвалж: АиФ
