Сошиал харилцаа идэвхитэй хөгжсөн энэ үед бусдыг залилах гэмт хэрэг газар авчээ.
Тодруулбал: Эх сурвалжаас авсан мэдээллээр залилагчид бусдын фэйсбүүк хаягаар нэвтэрч, найз нөхөд, танилууд руу нь "Мөнгө байвал өгөөч. Эргүүлээд шилжүүье" гэх утга бүхий мессеж бичиж, залилах гэмт хэрэг үйлддэг байна.
Тэгвэл энэ удаад бусадтай бүлэглэн олон тооны хүнийг мэхэлж,их хэмжээний мөнгө залилсан этгээдийг цагдаагийн байгууллага илрүүлжээ. Тэрбээр бусадтай бүлэглэн энэхүү хэргээ хийдэг байсан бөгөөд цагдаагийн байгуулага шалгаж, хохирогчийг тогтоосон байдлаар нийт 107 иргэн рүү "Мөнгө зээлээч" гэх утга бүхий чат бичиж, нийт 106 сая төгрөгийн онц их хэмжээний хохирол учруулжээ. Тэрбээр эл хэргийг үйлдэж эхлэхдээ 16 нас хүрээгүй байсан бөгөөд эл хэргийг 2017- 2021 оны есдүгээр сар хүртэл тогтвортой үйлдэж, залилж олсон мөнгөөрөө интернет тоглоом, цаашлаад төлбөртэй интернет тоглоом тоглодог байсан аж. Мөн энэ хугацаанд ажил хөдөлмөр эрхэлж байгаагүй, гэмт хэргээр олсон орлогоороо амьдралаа залгуулдаг байсан нь мөрдөн шалгах ажиллагаагаар тогтоогдсон байна.Анхан болон давж заалдах шатны шүүхээс яллагдагч А-д таван жилийн хорих ял оноож, иргэдэд учирсан хохирлыг бүлэглэн үйлдсэн этгээдүүдтэй нь хамт хувааж төлүүлэх шийдвэр гаргаад байна.
