Шүгэл үлээгчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүд хэлэлцэх эсэх асуудлыг хэлэлцэж байна. Энэ хүрээнд гишүүд асуулт асууж, хариулт авч, өөрсдийн саналаа хэлж байна.
УИХ-ын гишүүн Б.Баярсайхан “Сүүлийн 30 жилд Монгол Улсад авлига цэцэглэснээс болоод бид хөгжиж чадахгүй гацчихсан байгаа. Энэ асуудлыг шийдэх зорилго нь зөв байна гэж харж байна. Улсын хэмжээнд 200 гаруй мянган төрийн алба хаагчдаас шударга хүмүүс олон байдаг. Төрийн алба хаагчид маш их шүгэл үлээдэг. Харамсалтай нь төрийн алба хаагчдын дуу хоолой хүрдэггүй. Би үүнийг биеэрээ мэдэрсэн хүний хувьд хэлж байна. Ноцтой гэмт хэргүүдийн АТГ-д явуулдаг. Энэ хэрэг замхардаг. Хууль хяналтын байгууллага дээр ялгаварлаж шийдэгддэг. Улс төрийн нөлөө ордог. Улс төр биш байсан ч гэсэн дунд шатны дарга нар холбоо сүлжээгээрээ хэргээ нуудаг асуудал өнөөдрийг хүртэл байсаар байна. Тэгэхээр шударга төрийн алба хаагчдын хэлж байгаа дугарч байгаа асуудалд энэ хууль яаж үйлчлэх вэ. Шүгэл үлээгч байснаараа хэлмэгдэх тохиолдол байна. Олон улсад ч ийм жишээ байна. Хэрэв Монгол Улсад шүгэл үлээгээд өөрийн нь амь нас, амьдрал нь эрсдэлд ороод Гадаад улс руу явъя гэхэд тэнд Монгол хүмүүсийг авах эрх нь нээлттэй байгаа юу? Энэ хууль батлагдсанаараа энэ эрх нээгдэх үү. Мөн Энэ хууль батлагдсанаар Монгол Улс ямар олон улсын ямар гэрээ, эрх зүйн фактад нэгдэх вэ? Өөрөөр хэлбэл шударга ёсонд нэгдэх гэж амь нас, эрүүл мэнд магадгүй гэр бүлийнхээ гишүүдийг өөрийнхөө бүхий л амьдралыг нийгмээ сайхан байлгахын тулд шүгэл үлээгээд мөнгөн урамшууллаас гадна ямар баталгаа байх вэ гэдэг тодорхойгүй харагдаад байна” хэмээн хэллээ.
Г.Бүжинлхам
