Хэсэгчилсэн дайчилгаагаар татагдан ирсэн цэргийн нэг сарын тэтгэмж 195 мянган рубль /Ойролцоогоор 10 сая гаруй төгтөгтэй тэнцэнэ/ болно. Энэ тухай ОХУ-ын Ерөнхийлөгч Владимир Путин Оросын Аюулгүйн Зөвлөлийн хуралдааны үеэр мэдэгдэв.
"Манай цэргүүд шаардлагатай бүх хэрэглэлээр хангагдсан байх ёстой" гэж төрийн тэргүүн онцолжээ. Мөн дайчлагсдад олгох төлбөрийн нөхцөл, хэмжээг чанд мөрдөхийг Путин даалгав. Кремлийн цахим хуудсанд нийтлэгдсэн ОХУ-ын Ерөнхийлөгчийн зарлигийн жагсаалтад Батлан хамгаалахын сайд Сергей Шойгу, Сангийн сайд Антон Силуанов нар төлбөрийг хариуцах ёстой гэж заажээ.
“ОХУ-ын Батлан хамгаалах яам ОХУ-ын Сангийн яамтай хамтран дайчилгааны замаар цэргийн албанд татагдсан ОХУ-ын иргэдэд зориулсан мөнгөн тэтгэмжийн хэмжээ, хувь хүний төлбөрийн хэмжээг тогтооно. Цэргийн бие бүрэлдэхүүний бэлтгэл болон сургалтын хугацааг оруулаад боловсон хүчний жагсаалтад орсон өдрөөс эхлэн сар бүр дор хаяж 195 мянган рубль олгоно" гэж баримт бичигт дурджээ.
Үүнээс гадна хэсэгчилсэн дайчилгааны хүрээнд цэргийн албанд татагдсан оросуудын ар гэрийнхэнд нийгмийн дэмжлэг үзүүлэхийг Путин мөн даалгажээ.
Эх сурвалж: Лента.ру
