Өнөөдөр Засгын газар хуралдлаа. Мэдээллийн үеэр сангийн сайд Б.Жавхлан Эрдэнэт үйлдвэрийн 49 хувийн ажлын явцтай холбоотой мэдээлэл өглөө.
Тэрбээр “Анх 2017 онд УИХ-ын 27-р тогтоол гараад Эрдэнэт үйлдвэр ХХК Монросцветмент ХХК-ийн 49 хувийн хувьцааг худалдан авсан. Үүнтэй холбоотой Засгын Газар хэлцэл хийх замаар өр төлбөрийг барагдуулж, тус үйлдвэрийг 100 хувь улсын өмч болгох даалгавар авсан. Тухайн үеийн сангийн сайд Ч.Хүрэлбаатар энэ ажлыг хүлээн авч 4 удаа хэлэлцээр хийсэн боловч үр дүнд хүрээгүй. Нөгөө талаас ойлголцолд хүрээгүйн улмаас захиргааны болон иргэний шүүхээр маргасан байдаг. Харамсалтай нь шат бүр дээр хэлэлцэл хийгээгүй гэдэг шалтгаанаар Засгийн Газар ялагдсан. Манай Засгийн Газар 2021 оны 2 сард байгуулагдаад миний бие ажлын хэсгийг ахалсан. Тиймээс хэлэлцээр хийх бэлтгэлээ хангасны үндсэн дээр нөгөө талд өнгөрсөн оны 12 сард санал тавьсан. Тэгээд 2 удаагын хэлцэл амжилттай хийж, нийт 647 тэрбум төгрөгийн харилцан суутгах гүйлгээ хийгдсэн. Өөрөөр хэлбэл Засгийн Газар энэ хэмжээгээр өр төлбөрийг барагдууллаа гэсэн үг. Ингэснээр “Эрдэнэт Үйлдвэр” ХХК 100 хувь Монгол улсын мэдэлд очсон. Хэлэлцэл бол үргэлжилж байгаа. Хэлэлцэл нилээд амаргүй байсан” гэв.
Г.Бүжинлхам
