Беларусийн Ерөнхийлөгч Александр Лукашенко ОХУ-ын Ерөнхийлөгч Владимир Путинтэй маргалдаж, ам мурийж байсан ч тэд үргэлж жинхэнэ найзууд хэвээр үлдсэн тухайгаа NBC телевизэд өгсөн ярилцлагадаа мэдэгджээ.
“Хэрэв Ерөнхийлөгч Путин бид хоёрын хувийн харилцааны талаар ярих юм бол энэ нь үргэлж "нуур нугас шиг" байгаагүй. Бид хоёр үе үе маргалдаж, ам зөрж байсныг та бүхэн мэднэ. Гэхдээ энэ нь хамгийн дотны найз, найдвартай хамтрагчийн хувьд. Би нэгэнтээ хэлсэнчлэн Беларусь, Оросын ерөнхийлөгч нарын хоорондох шиг ийм түвшний харилцаа өөр хэнд ч байхгүй" гэж тэр хэлэв.
Лукашенкогийн хэлснээр сүүлийн үед түүний Оросын төрийн тэргүүнтэй харилцаа улам бэхжиж байна. “Бид бие биедээ бүрэн итгэдэг. Тиймээс бидний харилцаанд бараг ямар ч асуудал байхгүй" гэж тэр хэлэв.
2021 оны арванхоёрдугаар сард Лукашенко Оросын удирдагч Владимир Путин өөрийг нь найзаасаа илүү гэж үздэг гэж мэдэгджээ. “Бид ах дүүс. Гэхдээ нухацтай хэлэхэд, бид дэлхий ертөнцийн гол асуудлуудыг адилхан хардаг. Энэ бүхэнд бид заримдаа ижил дүгнэлт хийж чаддаггүй байж мэдэх ч, энэ алив асуудлыг ижил өнцгөөс хардаг "гэж тэр дүгнэв.
Эх сурвалж: Лента.ру
