Засгийн газрын ээлжит хуралдаан өнөөдөр /2022.10.10/ үргэлжилж байна. Хуралдаанаар Сангийн яамны Төрийн нарийн бичгийн даргаар Ж.Ганбатыг жинхэлжээ.
Энэ оны нэгдүгээр сард Засгийн газар хуралдаж, Ж.Ганбатыг тус албанд түр орлон гүйцэтгэгчээр томилж байв. Тэгвэл есөн сарын дараа ийн жинхлэгдлээ.
Ж.Ганбат нь Сангийн яаманд 1995 онд анхлан хөл тавьсан. Төсвийн газарт мэргэжилтнээр ажлын гараагаа эхлээд, ТНБД-д томилогдохоосоо өмнө тус яамны Төсвийн бодлого, төлөвлөлтийн даргаар ажиллаж байсан. Энэ хугацаандаа УИХ-ын гишүүдийн "гуйсан" төсвийг сонгогдсон тойрогт нь тавьж өгдөг, ийм байдлаар улс төрчдөд тал засаж, өөрийн албан тушаал, карьерыг баталгаажуулж явсан гэж хөшигний ард яригддаг юм.
