Завхан аймгийн Баянхайрхан сумын нутагт өнгөрсөн наймдугаар сарын 17-нд 38 настай, эрэгтэйн толгойн тус газарт 58 настай “Б” гэгч буудаж амь насыг нь хохироон хэргийн газраас оргон зайлсан гэмт хэрэг гарчээ.
Тухайн этгээдийг эрэн сурвалжилсны эцэст энэ сарын 3-ны өдөр олж тогтоосон байна. Одоогоор хэргийг тус аймаг дахь цагдаагийн газрын Тосонцэнгэл сум дундын цагдаагийн хэлтсийн алба хаагчид мөрдөн шалгах ажиллагааг үргэлжлүүлж байгаа талаар Цагдаагийн ерөнхий газраас мэдээллээ.
“Илрүүлэлт-Оргодол-2022” нэгдсэн арга хэмжээний хүрээнд энэ сарын 03-ны өдөр эрэн сурвалжлалтын чиглэлээр
оршин суугаа газраасаа алга болсон 5,
оргодол 2,
гэмт хэрэгт сэрдэгдсэн 45,
тээврийн хэрэгсэл 3,
шүүхээс даалгасан хүн 54,
эд зүйл 8-ыг олж тогтоон, мөрдөн шалгах ажиллагааны явцад илрүүлсэн хэрэг 45,
цагдаагийн байгууллагад урьд бүртгэгдээгүй 1 хэргийг тус тус илрүүллээ.
