Чеченийн тэргүүн Рамзан Кадыровын насанд хүрээгүй гурван хүү удахгүй Украинд тусгай ажиллагаа явуулж буй бүсэд очно. Кадыров энэ тухай өөрийн твиттертээ бичжээ.
"Жинхэнэ тулаанд өөрсдийгөө харуулах цаг ирсэн бөгөөд энэ бол тэдний хүсэл, би энэ шийдвэрийг нь талархан дэмжиж байгаа. Удалгүй тэд фронтын шугам руу явж, байлдаан тулааны хамгийн хэцүү хэсэгт очих болно” гэж Кадыров хэлэв.
Чеченийн тэргүүний хөвгүүд Ахмат, Эли, Адам нар 16, 15, 14 настай. Кадыровын хэлснээр тэдний цэргийн бэлтгэл бага наснаасаа эхэлсэн. Хөвгүүд зэвсэгтэй харьцах, цэргийн үйл ажиллагааны онолын үндсийг сурсан. Улс төрч хүн хөвгүүдээ гэр бүл, эх орноо хамгаалахад сургах нь аливаа аавын гол зорилго гэж нэрлэжээ.
Бүгд найрамдах улсын тэргүүн “Европт компьютерийн ард сууж буй чечен хэлтэй “дайчид” насанд хүрээгүй дайчдыг эсэргүүцэж чадахгүй, учир нь тэдэнд ёс суртахуун, нэр төр, нандин чанар байхгүй” гэж онцолсон байна.
Кадыровын хөвгүүдийн нэг, удахгүй тусгай ажтллагааны бүсэд явах Ахмет 16 настайдаа албан тушаал хашсан бөгөөд тодруулбал, тэр Бүгд найрамдах улсын бүх хүүхэд, залуучуудын байгууллагыг удирдаж байжээ.
Эх сурвалж: Лента.ру