Өнөөдөр буюу 2022.10.03-ны өдөр намрын ээлжит чуулганы хуралдаан эхэллээ. Чууганы хуралдаанд Монгол Улсын Ерөнхийлөгч У.Хүрэлсүх, Монгол Улсын Ерөнхий сайд Оюун-Эрдэнэ, УИХ-ын дарга болон, УИХ-ын Их хурлын 65 гишүүний бүрэлдэхүүнтэй байна.
Чуулганы эхэнд УИХ-ын дарга Г.Занданшатар “Гадаад таагүй орчин, дотоод эдийн засгийн амаргүй нөхцөл байдалд байгаа энэ цаг үед Монгол Улс их хэмжээний гадаад өрийн төлбөр тооцоо хийх, тухайлбал 2023 он гэхэл 5,7 тэрбум ам.долларын өр төлөх үүрэгтэй байгаа нь бас нэг эрсдэл учруулж байна. Хэдийгээр богино хугацааанд гадаад дотоодын өр төлбөрийн нөхцөл байдалтай эрсдэл нүүрлэж байгаа боловч, урт хугацаанд ирээдүй гэрэл гэгээтэй байна. Ойрын хугацаанд харин ургац хураалт, мах бэлтгэл зэрэг намрын ажил, өвөлжилтийн бэлтгэлийг цаг алдалгүй арга хэмжээ авч цаг алдалгүй онцгой анхаарч ажиллах шаардлагатай байна. Өнөөдрийн байдлаар ургац хураалт, үр тариа 33 хувьтай, хүнсний ногоо 70 хувьтай байна. Харин өвөлжилтийн бэлтгэл 30 хувьтай байна. Ихэнх нутгаар амаргүй өвөл болох төлөвтэй байгааг олон жилийн судалгаа анхааруулж байна. Тиймээс өвөлжилтийн бэлтгэлийг эрчимжүүлж, хүндрэх эрсдэлтэй 11 аймагт өвлийг өнөтэй давах "Хамжихгүй бол амжихгүй" бүх нийтийн аянг өрнүүлж байна” гэлээ.
Мөн энэ үеэр эдийн асгийг яаралтай тогтворжуулах бодлогын 5 цогц арга хэмжээг хэрэгжүүлэх шаардлагатай гэж үзсэн гэлээ. Тухайлбал:
- Төсвийн реформыг эрчимжүүлнэ
- Орлогын реформыг хэрэгжүүлнэ.
- Зарлагын реформыг хэрэгжүүлэх шаардлагатай.
- Аж үйлдвэржилтийг дэмжиж, бизнесийн орчныг эрс сайжруулан хөрөнгө оруулалтыг татах шаардлагатай байна.
- Энэ бүх зорилтуудыг хэрэгжүүлэхийн тулд хяналт сахилга хариуцлага хамгаас чухал юм. ЗГ-аас МУ-ын 2023 оны төсвийн хуультай хамт гүйцэтгэх засаглалын хяналтын тухай хуулийг өргөн мэдүүлсэн. Энэ хүрээнд гүйцэтгэл засаглал дахь хяналтыг сайжруулж, хүнд суртал чирэгдлийг багасгаж төрийн дунд доод шатанд байгаа авилгалыг бууруулахын тулд иргэний хяналтыг бий болгох явдал юм. Иргэд хянаж богино хугацааны үр дүнд хүрэх шаардлагатай гэв.
Г.Бүжинлхам
