Дарханы арьс ширний цогцолбор газрын гүйцэтгэх захирал Д.Энхбаяр болон Хөгжлийн банкны охин компани “Ди Би Эм ассент менежмент ҮЦХ” компанийн захирал асан Д.Болормаа нарыг өчигдөр орой АТГ-аас баривчилж, цагдан хорьжээ.
Тодруулбал, тэднийг эрх мэдэл албан тушаалын байдлаа урвуулан ашиглаж, Хөгжлийн банкнаас хууль бусаар зээл авсан, зориулалтын бусаар зарцуулсан гэх үндэслэлээр цагдан хорьсон бөгөөд гэр болон албан тасалгаанд нь прокурорын зөвшөөрлөөр нэгжлэг хийж, хуулийн хүрээнд ажиллагаа явуулсан гэдгийг эх сурвалж мэдээллээ.
Тэдний гэрээс шалгаж буй хэрэгтэй хоблоотой санхүүгийн баримтууд хурааж авсан гэх бөгөөд 48 цагийн хугацаатай хойшлуулшгүйгээр баривчлаад байна. Энэ хугацаанд цаашид цагдан хорих үндэслэл гарахгүй бол суллана. Хэрвээ үргэлжлүүлэн хорихоор бол шүүхэд хүсэлт гаргаж, шийдүүлэх юм.
