-"Perseverance" роверын даалгавар бол Ангараг гарагийн хөрсний чулуулагыг өрөмдөж, дээж цуглуулан дараа нь дэлхий рүү илгээх явдал юм-
НАСА-гийн Perseverance өөрөө явагч аппарат Ангараг гарагт гүйцэтгэх даалгаварынхаа жагсаалтын эхний хэсгийг дуусгахад ойрхон боллоо.
Ровер нь төрөл бүрийн чулуулгийн дээжийг цуглуулж, тус гарагийн гадаргуу дээр байрлуулж, дараа дараагийн нислэгийн үеэр дэлхий рүү илгээх юм.
Perseverance Езеро нуурын кратерт /тогоон/ 17 сарын турш ажиллаж байна. Энэхүү нэгэн цагийн нуурын ёроол тогоо нь эрдэмтдийн үзэж байгаагаар амьдралын ул мөрийг хайхад хамгийн тохиромжтой газар ажээ.
Ангараг гарагийн нөхцөл байдал маш хүнд байдаг учир тэнд амьд организм олдох магадлал тун бага. Үүний оронд робот нь олон тэрбум жилийн өмнө энэхүү тогоо нь усаар дүүрсэн нуур байсан үеэс үлдсэн байж болох биологийн идэвхжлийн ул мөрийг хайж байгаа юм.
Perseverance-ийн өрөмдсөн тунамал чулуулагийн дээж. Зүүн талд" Wildcat Ridge" гэж нэрлэсэн уулын нуруунаас авсан дээж байна.
Эрдэмтэд Ангараг гарагийн эртний түүхийг роверын цуглуулсан чулуулгийн дээжид "бичээтэй " байгаа гэж найдаж байгаа юм. Түүнчлэн ойрын хоёр сарын дотор Perseverance нь цуглуулсан чулуулагын дээжээ тээвэрлүүлэхээр тухайлсан газар байрлуулна гэж тооцож байна.
НАСА болон Европын сансар судлалын агентлаг "Perseverance"-гийн цуглуулгыг дэлхийд авчрах төлөвлөгөө боловсруулж байна. Төлөвлөгөөнд газардах төхөөрөмж, хэд хэдэн нисдэг тэрэг, Ангараг гариг руу илгээх пуужин, гараг хоорондын ачааны хөлөг онгоц байхаар төлөвлөгджээ.
Энэ хүрээнд Ангарагийн чулуулагийн дээжийг цуглуулж 2033 онд эх дэлхийдээ авчрах явдал юм. Өөрөө явагчийн цуглуулагөд нуурын тогооны ёроолд өрөмдсөн нүхнүүдийн галт уулын чулуулгийн дээж багтжээ. Эдгээр дээжүүд нь тогоо усаар дүүрэхээс өмнөх геологийн түүхийг өгүүлэх ёстой.
Эдгээр дээжүүд нь огноог нарийн тогтоох боломжтой чулуулагт хамаарна гэдгээрээ онцгой чухал юм. Одоогоор эрдэмтэд Ангараг гарагийн насыг шууд бусаар л дүгнэж байна.
Чулуулагийн цуглуулгын өөр нэг хэсэг нь 45 километрийн диаметртэй тогоонуудын баруун хэсэгт орших хуучин голын бэлчир дэх хурдасуудаас сүүлийн саруудад "Perseverance"-ийн цуглуулж байгаа тунамал төрлийн чулуулаг юм. Энэ бол чулуулагт өнгөрсөн үеийн бичил биетийн амьдралын ул мөрийг олж болох геологийн механизм юм.
Чулуулгийн дээжийг титан хоолойд хадгалдаг. Тун удахгүй ровер энэ цуглуулгаа тухайлсан гадаргуу дээр байршуулах болно.
JPL төслийн системийн инженер Рик Уэлч хэлэхдээ "Бид 10-11 ширхэг дээжийг Ангарагийн гадаргуу дээр байрлуулахаар төлөвлөж байна. Дараа нь эдгээр дээжийг хадгалах, байршлыг сайтар баримтжуулахад хоёр сар орчим хугацаа шаардагдах бөгөөд ингэснээр дараагийн нислэгээр тэдгээрийг дэлхийд авчрах болно гэжээ.
Эх сурвалж: ВВС
