Нийслэлийн түгжрэлийг хэрхэн бууруулах талаар олон шийдэл яригдаж байгаа. Хамгийн
сүүлд хөнгөн галт тэрэг явуулах төсөл эрх баригчид дунд хэрүүлийн алим болоод байгаа.
Тэгвэл УИХ-ын гишүүн Б. Баярсайхан МАН-ын бүлгийн хуралд хэд хэдэн санал гаргажээ. Энэ талаар тэрбээр:
"Би ч тэр, МАН-ын бүлгийн хурлын гишүүд ч LRT төслийг дэмжихгүй байна. Нэгдүгээрт энэхүү төслийг хийхэд өнөөдрийн байдлаар улсын эдийн засаг бэлэн биш байна. Хоёрдугаарт өмнөх жилүүдэд хийгдэж байсан төслүүдийн үр дүнг гишүүд шаардаж байна. Гуравдугаарт төсөв тодотгох энэ үеэр бага төсөв тавиулсан орон нутгуудын төсвүүдийг танаж байгаа. Ийм үед нэмээд 50 сая долларын ийм төсөл орж ирж байгаан оновчтой биш байна.
Манай улсаас эдийн засгийн хувьд хүчирхэг Казакстан гэх мэт улсад энэхүү төсөл хэрэгжээд амжилтгүй болсон гэдэг асуудлууд хурал дээр яригдаж байна. Хотын түгжрэлийг бууруулах асуудал номер 1 асуудал мөн. Улс орон бүр баруун зүүн гарын дүрэмтэй байдаг манай улсад энэ асуудал замбраагүй байдаг. Иймээс иргэдээ хохироохгүйгээр хугацаа тавиад нэг гарын дүрэмтэй болмоор байна. Гэр бүлийн гишүүд дундаа нэг машин унаж байгаа нь түгжрэлийн нэг шалтгаан болж байна. Шинээр баригдаж байгаа хотхонуудыг шууд сэтлэх нь зөв. Шинэ гүүр явган хүний зам, дугуйн замгүй байгаагаа шуурхай шийдэх саналуудыг хэлсэн. Машин ийм их байхад яагаад тэгш сондгойгоор нь явуулж болохгүй гэх саналуудыг" хэллээ.
сансан бүхнээ эхнээс нь хийгээд өгөө