Кремлийн мэдээлснээр Алжир, Египет, Ливи, Мали, МОНГОЛ, Шинэ Зеланд, Португалийн Элчин сайд нар ОХУ-ын Ерөнхийлөгчид Итгэмжлэх жуух бичгээ өргөн барина.
ОХУ-ын Ерөнхийлөгч Владимир Путин гадаадын 24 улсын Элчин сайд нарын Итгэмжлэх жуух бичгийг хүлээн авна. Тэдгээрийн дунд найрсаг бус орнуудын жагсаалтад багтсан улсын Элчин сайд нар ч багтаж байгаа ажээ. Энэ тухай даваа гарагт тараасан Кремлийн хэвлэлийн албаны мэдээнд дурджээ.
Энэ хүрээнд Алжир, Египет, Ливи, Мали, МОНГОЛ, Шинэ Зеланд, Португалийн Элчин сайд нар ОХУ-ын төрийн тэргүүнд Итгэмжлэх жуух бичгээ өргөн барина.
Европын холбооны бүх орнууд одоогоор ОХУ-д ээлтэй бус орнуудын жагсаалтад ороод байгаа юм. Үүнтэй ижил жагсаалтад Шинэ Зеланд болон бусад хэд хэдэн улс орно. Энэ удаагийн уулзалтад Элчин сайд нар нь оролцох найрсаг бус орнуудын тоонд Кипр (ЕХ-ны нэг хэсэг) болон Өмнөд Солонгос багтжээ.
Уулзалтад тэднээс гадна Хуучин Зөвлөлт Холбоот Улсын бүрэлдэхүүнд байсан орнууд болох Армени, Беларусь, Молдав, Зүүн Европ (Серби) зэрэг олон орны дипломатууд оролцоно. Мөн Ойрхи Дорнодоос Кувейт, Өмнөд Америкийн Венесуэл, Колумб, Уругвай, Ази тивээс Балба, Филиппин, Африкаас Конго, Сенегал, Судан, Танзани, Уганда зэрэг орны Элчин сайдууд ёслолд оролцоно.
Эх сурвалж: Итар ТАСС
