Тайвань болон Хятадын хооронд цэргийн мөргөлдөөн гарсан тохиолдолд Вашингтон Тайванийн талд зогсоно гэж АНУ-ын Ерөнхийлөгч Жо Байден CBS телевизэд өгсөн ярилцлагадаа мэдэгджээ.
"Тиймээ, урьд өмнө хэзээ ч байгаагүй халдлага болсон тохиолдолд" гэж Байден тодотгожээ.
Үүний зэрэгцээ АНУ Хятадын нутаг дэвсгэрийн бүрэн бүтэн байдлыг хүлээн зөвшөөрсөөр байх болно гэж тэрээр хэлэв.
Энэ тухайгаа тэрбээр "Бид олон жилийн өмнө гарын үсэг зурсан зүйлтэйгээ санал нэг байна. "Нэг Хятад" бодлого байдаг, Тайвань тусгаар тогтнолын шийдвэрээ өөрөө гаргах эрхтэй гэдэгтэй. Харин Хятадын зүгээс арлын тусгаар тогтнохыг дэмжихгүй байна" гэж Байден хэлэв.
Харин Байдены энэ үгийн хариуд БНХАУ-ын Гадаад харилцааны яам мэдэгдэл хийв. Хятадын ГХЯ-ны хэвлэлийн төлөөлөгч Мао Нин "Америкийн тал"Нэг Хятадын зарчим" болон Хятад, Америкийн хамтарсан гурван мэдэгдэлд заасан заалтуудыг бүдүүлгээр зөрчиж, Тайванийн тусгаар тогтнолыг дэмжихгүй байх чухал амлалтаа ноцтой зөрчиж, тус арал дахь тусгаар тогтнолыг дэмжигч салан тусгаарлагч хүчинд худал дохио өгч байна. "гэж дипломат хэлэв.
Дашрамд дурдахад өнгөрсөн долоо хоногт АНУ-ын Тагнуулын төв газрын дэд захирал Дэвид Коэнээс иш татан CNN агентлаг мэдээлэхдээ Хятад улсын дарга Ши Жиньпин 2027 он гэхэд Тайваньд цэргийн хяналт тогтооход бэлтгэхийг зэвсэгт хүчиндээ үүрэг болгосон гэж мэдээлээд байгаа юм.
БНХАУ нь Тайванийн бүрэн эрхийг хүлээн зөвшөөрөхгүй, түүнийг өөрийн муж гэж үздэг бөгөөд бусад орны албан тушаалтнууд болон цэргийнхэнтэй харилцахыг эрс эсэргүүцдэг юм.
Эргэн снуулахад наймдугаар сард АНУ-ын Төлөөлөгчдийн танхимын дарга Нэнси Пелоси Тайбэйд айлчилсны дараа Тайванийн эргэн тойронд нөхцөл байдал хурцадсан. Үүний хариуд Бээжин арлын эрэгт томоохон хэмжээний цэргийн сургуулилт хийж, зарим хориг арга хэмжээ авсан бөгөөд Хятадын ГХЯ бүх сөрөг үр дагаврын хариуцлагыг Вашингтон, Тайбэйд хүлээлгэсэн юм.
Эх сурвалж: РИА новости
