ОХУ-ын ГХЯ хэд хэдэн орны дипломат төлөөлөгчийн газрын тэргүүн, тухайлбал Францын Элчин сайд Пьер Леви, БНХАУ-ын дипломат төлөөлөгчийн газрын тэргүүн Жан Ханхуй нартай Гадаад хэргийн сайд Сергей Лавров хаалттай уулзалт хийсэн тухай ТАСС агентлаг мэдээллээ.
Уулзалт НҮБ-ын Ерөнхий Ассамблейн 77 дугаар чуулганы өмнөх өдөр болсон бөгөөд Москвад Элчин сайд нар нь сууж байгаа зарим улс орнуудад хандаж ОХУ-ын байр суурийн талаар мэдээлэл өгөх зорилготой байв.
Удахгүй болох Ерөнхий Ассамблейн үеэр улс орнуудын зарим үйл ажиллагаанд тодорхой үнэлгээ өгөх болно гэж Лавров өөрөө мэдэгдэв.
"Өндөр түвшний үйл явдлууд энэ долоо хоногт эхэлж байгаа бөгөөд энэ үеэр мэдээж улс орнуудын тодорхой үйл ажиллагаанд хатуу үнэлгээ өгөх болно" гэж Оросын ГХЯ-ны тэргүүн хэлэв.
НҮБ-ын Ерөнхий Ассамблейн 77 дугаар чуулганы дээд түвшний долоо хоногийн хүрээнд тус чуулганы дарга Чаба Кереши, ОХУ-ын Гадаад хэргийн сайд Сергей Лавров нар уулзахаар төлөвлөж байгаа талаар өмнө нь мэдээлж байсан.
Лавров бол хоёр талын уулзалт хийх хүсэлт гаргасан анхны гадаад хэргийн сайд гэдгийг тэр онцолсон байна.
Эх сурвалж: АиФ
