Өнөөдөр иргэд Үндсэн Хуулийн Цэцийн гишүүдийг огцруулах жагсаал хийх талаараа мэдээлэл хийлээ.
Иргэн Батдэлгэр “Монгол Улсын иргэн бид Монгол Улсын Үндсэн Хуулинд нэмэлт өөрчлөлт оруулсан, заалтыг хүчингүй болгосон Цэцийн 9 гишүүний үйлдлийг хууль бус гэмт үйлдэл, Монгол Улсын Үндсэн Хуульт байгууллагад халдсан хэрэг гэж үзэж байна. Тиймээс өнөөдрийн хэвлэлийн бага хурлыг Үндсэн хуулийг хогийн сав болгосон гишүүдийг зайлуулъя гэсэн уриатай хийж байна. Монгол Улсын Үндсэн Хуульд Үндсэн Хуулийн Цэц гар дүрэх эрхтэй юу, үгүй юу. ҮХЦ-ийн 9 гишүүн хариуцлага хүлээх ёстой. Үндсэн хууль тогтоогчдын холбооноос наймдугаар сарын 16-нд УИХ, Монгол Улсын Ерөнхийлөгч, Улсын Дээд Шүүх-д ҮХЦ-ийн 9 гишүүнээ эргүүлэн тат гэсэн шаардлага хүргүүлсэн. Хармасалтай нь Есдүгээр сарын 12-нд Монгол Улсын Дээд Шүүх энэ асуудлыг авч хэлэлцээд шаардлага нь тодорхойгүй байна гэж үзээд шаардлагад татгалзсан хариу өгсөн байгаа юм. Тийм учраас ард иргэд бид бүхэн ҮХЦ-ийн гишүүдийг огцруулах санал гаргаж байна. Есдүгээр сарын 21-23-ны өдрүүдэд ҮХЦ-ийн гадаа Цэцийн гишүүдэд хариуцлага тооцох шаардлага бүхий жагсаал хийхээр Хан-Уул дүүргийн засаг даргад бүртгүүлээд албан ёсоор жагсаал хийхээр болсон.
Уг нь өнгөрсөн тавдугаар сард жагсаал хийсэн. Тухайн жагсаалаар ҮХЦ-ийн гишүүдийг “АЖЛАА ХИЙ” гэсэн шаардлага тавьсан. Учир нь 2013 оны гуравдугаар сараас хойш тасралтгүй 2 асуудал шийдүүлэх гэж явсан гэтэл Цэцийн гишүүд МУ-ын ҮХ-д заасан “Иргэдийн өргөдөл гомдлыг хуулийн хүрээнд шийдвэрлэх үүрэгтэй” гэсэн заалтыг үүргээ биелүүлээгүй төдийгүй ҮХ-ийг гишгэсэн. Иргэдийн үг хэлэх, дуу хоолойгоо хүргэх эрхэд халдсан. Тиймээс энэ ҮХЦ-ийн 9 гишүүдийг огцруулахгүй бол хэн нэгэн нь Монгол Улсын тусгаар тогтнол, Монгол Улсын нэгдмэл байдал, Монгол Улсын иргэний үндсэн эрхтэй холбоотой асуудлыг хүчингүй болнох магадлалтай” гэлээ.
Г.Бүжинлхам
