Оросын уул уурхайн гигант АЛРОСА компани АНУ-ын хоригийн жагсаалтад орсныхоо дараа Энэтхэг, Бельгид алмаз нууцаар зарж байна хэмээн Bloomberg мэдээлэв.
Энэтхэг, Бельгийн хэд хэдэн компаниуд Оросын очир алмаазыг хөнгөлөлттэй нөхцлөөр их хэмжээгээр худалдан авч, хориг арга хэмжээг тойрч байгааг тэмдэглэжээ. Нийтдээ ийм гүйлгээг арав орчим пүүс хийдэг. Эдгээрээс хамгийн том нь Энэтхэгийн Kiran Gems болон Shree Ramkrishna Exports Pvt юм.
Алмааз эрдэнийн гарал үүслийг тогтоох бараг боломжгүй, ижил хэмжээтэй, ижил чанартай, өөр өөр гарал үүсэлтэй алмазтай холилдож, бүтээгдэхүүн хийх юм уу, эвэл дахин борлуулах магадлалтай гэж тус агентлаг онцолжээ.
Энэхүү наймааны үр дүнд Энэтхэг улс алмазны худалдаа арилжаанд оролцдог сая орчим хүний ажлын байрыг хадгалж буй аж. Мөн үнэт чулууны 80 хувь нь Антверпенийн боомтоор дамждаг тул Бельгид эргэлтийг зогсоох нь ашиггүй юм.
Очир эрдэнийн үйлдвэрлэлийн дэлхийн 27 хувь, Оросын 95 хувийг бүрдүүлдэг АЛРОСА компани экспортоо Украинд байлдааны ажиллагаа явуулахаас өмнөх түвшинд бараг хүргэсэн нь тодорхой байна.
Дөрөвдүгээр сард тус компанийг ЕХ, АНУ, Их Британийн хориг арга хэмжээний жагсаалтад оруулсан. Үүнээс гадна АНУ-ын эрх баригчид оросын эрдэнийн чулууг шууд импортлохыг бүрэн хоригложээ. Гэсэн хэдий ч бусад оронд боловсруулсан алмазыг ОХУ-аас импортлохыг зөвшөөрсөн хэвээр байна.
Эх сурвалж: Лента.ру
