Украины цэргийн ангиуд Оросын Зэвсэгт хүчний цохилтын үеэр өдрийн цагаар Николаев, Херсон мужид хагас мянган дайчдаа алдсан гэж ОХУ-ын Батлан хамгаалах яамны 9-р сарын 15-ны өдрийн мэдээнд дурджээ.
"Их хэмжээний галын цохилтын үр дүнд Николаев мужийн Красное Знамя, Новогригоровка суурин газруудад Украины Зэвсэгт хүчний 24, 28-р механикжсан бригад,, мөн Зэвсэгт хүчний 46-р нисэх хүчний бригад ихээхэн хэмжээний хохирол амслаа.
Херсон мужийн Сухой Ставок, Белогорка суурингийн нутаг дэвсгэрт Украины 500 цэргийн албан хаагч амь үрэгдэж шархадсан, мөн 40 гаруй цэргийн техникийг устгасан" БХЯ-ны мэдээнд дурджээ.
Үүнээс гадна Украины Зэвсэгт хүчний дайралтын 10 дугаар бригад амжилтгүй үйлдлийнхээ улмаас Бүгд Найрамдах Донецк Ард Улсын Спорное суурингийн нутагт 80 гаруй цэргийн албан хаагчаа алджээ.
Харьков муж дахь нутаг дэвсгэрийн хамгаалалтын Украины 116-р бригад болон "Омега" тусгай хүчний отрядын түр байршуулах цэгүүдэд агаараас өндөр нарийвчлалтай цохилт өгснөөр 30 хүртэлх цэргийн албан хаагч, арав гаруй техникийг устгасан байна.
Украины Зэвсэгт хүчний командлалын долоон байр, мөн 116 дүүрэгт байрлах 42 их буу, хүн хүч, цэргийн техник хэрэгсэлд пуужин болон их буунуудаар нэг өдрийн дотор цохилт өгчээ. Энэ үеэр зэвсэг хэрэглэл, сумны таван агуулахыг устгасан байна.
Агаарын довтолгооноос хамгаалах системүүд тухайн өдөр Украины 12 нисгэгчгүй онгоцыг устгаж, "Точка-У" баллистик пуужин хоёрыг, HIMARS, РСЗО болон "Ольха"-гйн 30 сумыг агаарт устгасан тухайн ОХУ-ын БХЯ-ны мэдээнд дурджээ.
Эх сурвалж: РИА новости.
