ОХУ-ын Аюулгүйн зөвлөлийн орлогч дарга Дмитрий Медведев өөрийн твитертээ Киевийн нийтэлсэн Украины "аюулгүй байдлын баталгаа"-ны талаар тайлбар хийж, үүнийг дэлхийн мөргөлдөөн үүсгэх шалтаг гэж нэрлэжээ.
"Киевийн камарилла нар /үйл явдлын өрнөлд далд явуулгаар нөлөөлөхийг оролддог эрх мэдэлд ойр бүлэг хүмүүс/ "Аюулгүй байдлын баталгаа" төслийг төрүүлсэн бөгөөд энэ нь үндсэндээ дэлхийн гуравдугаар дайны оршил юм. Мэдээжийн хэрэг, Украины нацистуудад хэн ч "баталгаа" өгөхгүй" гэж улстөрч тэмдэглэв.
Барууныхан Оросын Холбооны Улсын хүчийг бусдын гараар сулруулахыг мөрөөдаж болох ч Киевийн дэглэмд зэр зэвсгийг үргэлжлүүлэн нийлүүлсээр байх нь урьдчилан таамаглах аргагүй үр дагаварт хүргэж болзошгүй гэж Медведев онцолжээ.
"Хэрэв эдгээр хагас ухаантай хүмүүс Киевийн дэглэмийг хамгийн аюултай зэвсгээр шахах ажиллагааг үргэлжлүүлбэл эрт орой хэзээ нэгэн цагт цэргийн тусгай кампанит ажил өөр түвшинд шилжиж харагдах хил хязгаар нь алга болно" гэж ОХУ-ын Аюулгүй байдлын зөвлөлийн орлогч дарга анхааруулав.
Украины ерөнхийлөгч Владимир Зеленскийн ажлын алба өөрийн цахим хуудаснаа Украины аюулгүй байдлыг хангах төслийг нийтэлжээ. Барууны орнууд тус улсын аюулгүй байдлын нэг төрлийн баталгаа болж, санхүүгийн тусламж, цэргийн хамгаалалтын арга хэмжээг яаралтай авна гэж Киев хүлээж байна.
Түүнчлэн Киевийн цэрэг-аж үйлдвэрийн баазад гадаадын хөрөнгө оруулалт хийх, Оросын Холбооны Улсаас нөхөн төлбөр авах, хориг арга хэмжээг нэмэгдүүлэх, оросуудын гадаад хөрөнгийг хураах зэрэг хүлээлттэй байна.
Эх сурвалж: АиФ
