Украины өмнөд хэсгийн фронтын шугам 12 километр урагшилжээ. Украины Зэвсэгт хүчний генерал Дмитрий Марченко өмнөд хэсгийн 13 суурин, эзлэгдсэн 500 гаруй хавтгай дөрвөлжин километр газар нутгаа чөлөөллөө гэж мэдэгджээ. Генерал Марченко дөрөвдүгээр сар хүртэл Николаев мужийн хамгаалалтыг удирдаж байсан юм.
Тэрээр хэлэхдээ "Сүүлийн хоёр долоо хоногт Оросын 1800 гаруй цэрэг амь үрэгдэж, хоёр нисэх онгоц, хоёр нисдэг тэргийг сөнөөсөн. Мөн 120 гаруй танк, 130 их бууны систем, пуужин харвагч 20 гаруй, түүнчлэн командын 150 цэг, зэвсгийн 70 орчим агуулахыг устгасан" гэж Марченко хэлэв.
Тагнуулын ерөнхий газрын мэдээлснээр Херсон чиглэлд тулалдаж буй Оросын армийн офицерууд сэтгэлээр их унасан. Бидний мэдэж байгаагаар тэдэнд гал нээхгүй, харин Украины армитай хэлэлцээ хийж, эзэлсэн газар нутгаа чөлөөлөх тушаал өгсөн” гэжээ.
Түүнчлэн "Өмнөд" ажиллагааны командлалын хэвлэлийн нарийн бичгийн дарга Наталья Гуменюк мөн армийнхаа ажмилтын талаар мэдээлэл хийжээ.
"Сүүлийн хоёр долоо хоногт хийсэн бидний ахиц дэвшил нэлээд үнэмшилтэй байна. Манай цэрнүүд өөр өөр бүс нутгуудад дөрвөөс хэдэн арван километр хүртэл урагш ахисан. Тэрхүү чөлөөлөгдсөн газар нутгийн хэмжээ ойролцоогоор 500 хавтгай дөрвөлжин километр" гэж Гуменюк хэвлэлийн бага хурлын үеэр хэлэв.
Түүний хэлснээр, Украины Зэвсэгт хүчин Высокополь, Нововознесенское, Белогорка, Хуурай цөөрөм, Миролюбовка зэрэг суурингуудыг аль хэдийн чөлөөлсөн гэж албан ёсоор зарлаж болно.
Тэрээр Оросууд цэргээ татахдаа чөлөөлөгдсөн Высокополь хотын ойролцоох Миролиубовкагийн томоохон газар нутгийг минажуулсан.
Түүний хэлснээр Оросын цэргийнхэн Днепр мөрний баруун эрэгт байгаа техникээ орхиж, зүүн эрэг рүү нүүн шилжижээ.
Украины Зэвсэгт хүчний сөрөг довтолгооны улмаас Оросын арми хүнд нөхцөл байдалд орж арагш ухарсан мөн тодорхой анги нэгтгэлүүд Украины дайчидтай хэлэлцээр хийхээр болсон гэж Гуменюк мэдэгджээ.
Харин Херсон мужийн захиргааны орлогч дарга Кирилл Стремоусов даваа гарагт мэдэгдэхдээ Украины зэвсэгт хүчин Херсон хотын ойролцоох Антоновскийн гүүрийг эмх замбараагүй, хяналтгүй буудаж байна гэсэн бол Херсон мужийн Оросын засаг захиргааны тэргүүн Владимир СалдоУкраины довтолгоо Херсонд ямар ч аюул занал учруулахгүй гэж мэдэгдээд байгаа юм.
Тодруулахад, Антоновскийн гүүр нь Херсоныг Днепр мөрний эсрэг талын эрэг дээрх Херсон мужтай холбосон хоёр артерийн нэг юм.
Тиймэс Украины цэргүүд долдугаар сарын сүүлчээс хойш гүүрийг тасралтгүй буудаж байна. Днепрээр дамжин өнгөрөх өөр нэг газар болох Каховская усан цахилгаан станцын далан мөн буудлагад өртөж байна. Энэ нь Херсоныг хяналтандаа байлгаж буй Оросын цэргүүдийн хангамжийг ихээхэн хүндрүүлж байна.
Үүний зэрэгцээ Оросын Батлан хамгаалах яам Херсон муж дахь цэргүүдийнхээ амжилтыг бас зарлав.
Тус яамны хэвлэлийн нарийн бичгийн дарга Игорь Конашенковын мэдээлснээр Украины хэдэн зуун цэргүүд амь үрэгдэж, шархадсан бөгөөд Оросын Агаар-сансрын хүчин дайсны 63-р механикжсан, 46-р нисэхийн бригадын хэсгүүд болон суурин газруудад цохилт өгчээ. Херсон мужийн Костромка, Белогорка руу өндөр нарийвчлалтай пуужингаар цохилт өгсөн."
Мөн Николаев мужид Украины Зэвсэгт хүчний 45 мянган тонн сумны агуулахыг устгасан байна.
Сануулахад өмнө нь Орос улс сүүлийн гурван өдрийн турш эзлэгдсэн Харьков муж дахь гол байр сууриа алдсанаа хүлээн зөвшөөрч Изюм, Балаклея орчмын байрлалыг орхиж байгаагаа Оросын Батлан хамгаалах яам "дахин бүлэглэх зорилгоор" гэж тайлбарлаж байгаа юм.
Эх сурвалж: ВВС
