Херсон мужийн засаг захиргааны орлогч дарга Кирилл Стремусов Херсоны нөхцөл байдлыг үнэлэхдээ "Херсон хот бүрэн аюулгүй байна" гэж хэлэв. Тэрээр мөн Херсоны чиглэлд "бүх зүйл тогтвортой", "тайван таатай" байгааг онцолжээ.
Стремусовын хэлснээр Украины Зэвсэгт хүчин өмнөд рүү хийсэн сөрөг довтолгооныхоо үеэр их хэмжээний хохирол, ялагдал хүлээж байна гэжээ. Мөн тэрээр иргэдийг сандралд орохгүй, тайван амгалан байхыг уриалав.
Өмнө нь CNN агентлаг Украин, Америкийн өндөр албан тушаалтнуудаас иш татан Украин энэ оны эцэс гэхэд Херсон хотын хяналтыг эргүүлэн авахаар шийдсэн гэж мэдээлсэн. Пентагон энэ зорилгыг "амбицтай" гэж нэрлэжээ.
Наймдугаар сарын сүүлчээр ОХУ-ын Батлан хамгаалах яам Украины Зэвсэгт хүчин өмнөд чиглэл рүү буюу Николаев, Херсон мужид гурван чиглэлээр сөрөг довтлогоо эхэлсэн ч “бүтэлгүйтсэн” гэж мэдээлээд байгаа юм.
Эх сурвалж: Лента.ру
