ОХУ-ын Ерөнхийлөгч Владимир Путин Их Британийн шинэ хаан Карл III-т цахилгаан илгээж, хаан ширээнд суусанд нь баяр хүргэв. Энэ тухай Кремлийн албан ёсны Telegram сувагт бичсэн байна.
“Таныг хаан ширээнд заларсанд чин сэтгэлийн баяр хүргэж буйг минь хүлээн авна уу. Эрхэмсэг ноён Танд ажлын амжилт, эрүүл энх, сайн сайхан бүхнийг хүсэн ерөөе" гэж захидалд дурджээ.
Их Британийн хатан хаан II Элизабет есдүгээр сарын 8-нд таалал төгссөнтэй холбоотойгоор Их Британид 10 хоногийн үндэсний гашуудал зарлаад байна Түүний ууган хүү хунтайж Чарльз хаан ширээг залгамжлагч болж, Карл III хэмээх нэрийг авч, түүнийг аль хэдийн албан ёсоор хаан хэмээн өргөмжиллөө.
Есдүгээр сарын 10-ны бямба гаригт Лондон дахь Гэгээн Жеймсийн ордонд болсон өв залгамжлагчдын зөвлөлд хаан ширээг шилжүүлэх үйл явц болсон. Ихэвчлэн энэ журмыг өмнөх захирагч нас барснаас хойш нэг өдрийн дотор хийдэг бол энэ удаад хурал хойшлогджээ.
Эх сурвалж: Лента.ру
