Их Британийн хаан III Карл ард түмэндээ хандан телевизээр үг хэлэхдээ ууган хүү Уильямаа Уэльсийн хунтайж хэмээн зарлав.
Хатан хааныг нас барсны дараа хунтайж Уильям мөн Корнуоллын гүн, түүний эхнэр Кейт Миддлтон Корнуоллын гүнгийн авхай цол хүртжээ. Үүний зэрэгцээ тэд гэрлэснийхээ дараа хатан хаан II Элизабетаас авсан Кембрижийн гүн, гүнгийн авхай цол хэргэмээ хэвээр хадгалан үлджээ.
Уэльсийн хунтайж цолыг Британийн хаан ширээг шууд залгамжлагчдад олгодог бөгөөд II Элизабетын амьдралын туршид Уильямын эцэг хунтайж Чарльз энэ цолыг өдий хүртэл хадгалсаар ирсэн юм.
Үүний зэрэгцээ Кейт Миддлтон Уэльсийн гүнж болжээ. Өмнө нь энэ цолыг Уильямын ээж Диана гүнж эзэмшдэг байжээ.
II Элизабет нас барсан тухай 9-р сарын 8-нд мэдэгдсэн бөгөөд түүний хүү ханхүү Чарльз Их Британийн шинэ хаанаар өргөмжлөгдөж байна.
Эх сурвалж: Лента .ру
