Орос 3-р сургуультай холбоотой МЭДЭГДЭЛ ОХУ-ын Элчин сайдын яамны (Посольство Россий в Монголий) албан ёсны пэйж хуудсанд тавигдсан байна!!!
ОХУ-ын Элчин сайдын яамны албан ёсны вэб хуудсанд Монгол-Оросын хамтарсан 3-р сургуулийн эргэн тойронд болж буй цаг үеийн асуудлаар байр сууриа маш тодорхой илэрхийлжээ. Тус мэдэгдэлд дурдахдаа, Орос, Монголын хамтарсан 3-р сургуулийн захирлыг ТОМИЛОХ асуудлыг сургуулийн дүрэмд заасан боловч харин ЧӨЛӨӨЛӨХ талаар заагаагүй нь Монголын тал дангаар шийдвэр гаргана гэсэн агуулгагүй гэдгийг онцлон тэмдэглэжээ. Хамгийн их анхаарал татсан өгүүлбэр энэ дунд байгааг та бүгд онцгой анхаарч уншихыг хүсье. Тус мэдэгдэлд дурдсанаар Монгол, Оросын хамтарсан 3-р сургуулийн асуудлыг нэг тал дангаараа шийдэхгүй бөгөөд ийм нөхцөлд ХОЁР ТАЛ ЯАРАЛТАЙ ЗӨВЛӨЛДӨХ ёстой гэсэн хатуу байр суурийг илэрхийлжээ.
Энэ талаар иргэн Эрдэнэчимэг "Ерөнхий сайд нь Путинтай уулзаж багагүй тохиролцоонд хүрчихсэн улс төрийн уур амьсгал зөөлөрч, зун шиг нар төөнөж аятай таатай байх орчин бүрэлдэж байхад “Гай газар дороос, гахай модон дотроос” гэгчээр нэг бүтэлгүй, шантаажчин гарын сошиал хөөсрөлтөд автсан уу, эсвэл өөрийнх нь “тусгайлан зориулж дэглэсэн драм” байсан уу бүү мэд ямартаа ч БШУ-ны сайд Л.Энх-Амгалан галаар наадчих шиг боллоо. Учир нь, яг ийм улс төрийн тохироо бүрдчихсэн онцгой үед өмнө нь хамтарч байгуулсан 30 жилийн түүхтэй Орос 3-р сургуулийн удирдлагыг дур мэдэн өөрчилж, түүнийгээ Засгийн газрын түвшинд хүртэл аваачиж хорлосон нь эмгэнэлтэй!!!Өөрөөр хэлбэл, БШУ-ны сайд маань давхар ЗГХЭГ-ын дарга, МАН-ын генсик Д.Амарбаясгалангийн сүүлийн хэдэн жилд тордож тойглосон улс төрийн имиж, байр суурь, хандлага харилцааг юу ч биш болгоод шалаар нэг арчаад хаячихдаг эвгүй гараар тодров. “Үхэхдээ үхэр буугаа тавина” гэгчээр саяхан МАН-ын Цагаан ордноос ЗГХЭГ-ын дарга болж Саарал ордонд очоод тухалж амжаагүй байгаа намынхаа гол лидерыг нэр төрийг нийгэмд шавартай хутгаад хаячих шив. Одоо тэгээд ОХУ-аас ахиад нэг сургууль байгуулахыг бас бензин тосоо тогтвортой үнээр худалдаж авахаар гуйж харилцан тохиролцож буй чухал цаг үе шүү дээ.
Ийм үед БШУ-ны сайд Л.Энх-Амгалан гэгч нь шантаажчин сэтгүүлчийн худал үгэнд автаж, хөөсөрсөн мэдээлэлд үндэслэж Орос 3-р сургуулийн захирлыг цаад талтайгаа зөвлөлдөхгүйгээр шууд дур мэдэж, Ажлаас чөлөөлөх тушаал гаргасан нь уг чанартаа “хэтэрхий хөнгөн гоомой хөдөлж, хойтохоо уншуулах юмаа бараг хийчихсэн” юм биш үү гэх сэтгэгдэл зурвасхийн орж ирэв. Улс төрч хүн байж, юун ч хурдан түүхий яаран сандран хөдөлдөг юм бэ дээ. Одоо тэгээд энэ асуудал нь ганц Монголын боловсролын салбарын асуудал биш ОХУ-тай холбоотой хамтран гаргах учиртай сургуулийн дүрэмд заасныг үл тоож гаргасан Сайдын хууль бус тушаалыг “бушуу туулай борвиндоо баастай” гэгчээр энд тэнд нялагдаж яваа юм байна даа гэж харуусан бодов" хэмээн бичжээ.
